ଫାଇଜର ଭାକ୍ସିନ୍ ଟିକାକରଣ ପରେ ଅସୁସ୍ଥ ହେଉଛନ୍ତି ଲୋକ
ୱାଶିଂଟନ: ଆମେରିକାରେ ଫାଇଜର ଭାକ୍ସିନ୍ ଟିକାକରଣ ପରେ କେତେକ ଲୋକ ଅସୁସ୍ଥ ହେଉଥିବା ଘଟଣା ନଜରକୁ ଆସିଛି। ଟିକା ନେବା ପରେ କେତେଜଣଙ୍କ କ୍ଷେତ୍ରରେ ଏହାର ପାର୍ଶ୍ୱପ୍ରତିକ୍ରିୟା ଦେଖାଯାଇଥିଲା। ଏହା ଜଣାପଡ଼ିବା ପରେ ଫୁଡ୍ ଆଣ୍ଡ ଡ୍ରଗ୍ସ ଆଡମିନିଷ୍ଟ୍ରେଶନ ପକ୍ଷରୁ ଏଭଳି ୫ଟି ମାମଲାର ଯାଞ୍ଚ ଆରମ୍ଭ ହୋଇଛି।
ଏଭଳି ମାମଲା ସମ୍ନାକୁ ଆସିବା ପରେ ସିକାଗୋସ୍ଥିତ ଆଡଭୋକେଟ୍ କଣ୍ଡେଲ ମେଡିକାଲ ସେଣ୍ଟରରେ ଟିକାକରଣ ପ୍ରକ୍ରିୟାକୁ ସ୍ଥଗିତ ରଖାଯାଇଥିଲା। ସେଠାରେ ଆଜିଠାରୁ ପୁଣି ଟିକାକରଣ ଆରମ୍ଭ ହୋଇଛି ଏ ନେଇ ଫାଇଜର କମ୍ପାନୀ ପକ୍ଷରୁ କିଛି ପ୍ରତିକ୍ରିୟା ମିଳିପାରିନାହିଁ।
ଅନ୍ୟପଟେ ଆଜିଠୁ ଆମେୋରିକାରେ ଦିଆଯିବ ମୋଡର୍ନା ଟିକା। ଏହି ଟିକା ନେବାକୁ ଥିବା ବ୍ୟକ୍ତିଙ୍କ ମଧ୍ୟରେ ରହିଛନ୍ତି ଉପରାଷ୍ଟ୍ରପତି ମାଇକ ପେନ୍ସ, ହାଉସ ସ୍ପିକର୍ ନାନସୀ ପେଲୋସି, ସିନେଟ୍ ମେଜରିଟି ଲିଡର ମିଚ୍ ମ୍ୟାକକୋନେଲ । ନବନିର୍ବାଚିତ ରାଷ୍ଟ୍ରପତି ଜୋ ବିଡେନଙ୍କୁ ମଧ୍ୟ ସୋମବାର ଟିକା ଦିଆଯିବ ବୋଲି ସୂଚନା ମିଳିଛି।
