ବର୍ଷେ ପରେ ସ୍ବଦେଶ ଫେରିବେ ପାରାଦୀପରୁ ଗିରଫ ଭିଏତନାମର ୧୧ ନାଗରିକ

ପାରାଦୀପ: ଦୀର୍ଘ ଏକ ବର୍ଷ ପରେ ଭିଏତନାମ ଫେରିବେ ପାରାଦୀପରୁ ଗିରଫ ଜାହଜର କ୍ରିୟୁ ସଦସ୍ୟ । ୨୨୦ କୋଟି ଟଙ୍କାର କୋକେନ ଜବତ ଘଟଣାରେ ଅଟକ ହୋଇଥିବା ଜାହଜର ୧୧ ଜଣ ସଦସ୍ୟ ନିଜ ଦେଶ ଭିଏତନାମକୁ ଫେରିବେ । କଷ୍ଟମ୍ସ ବିଭାଗର ତଦନ୍ତ ଆଧାରରେ ଜାହାଜର ସମସ୍ତ ୨୧ ଜଣ କ୍ରିୟୁ ସଦସ୍ୟ କୋକେନ ଘଟଣାରେ ସାମିଲ ନ ଥିବା ଜଣା ପଡ଼ିଥିଲା । ଏନେଇ ନିଜ ଦେଶକୁ ଫେରିବାର ପାଇଁ ସେମାନେ କୋର୍ଟର ଦ୍ବାରସ୍ଥ ହୋଇଥିଲେ ।

ଜାହାଜରେ ଥିବା ସମସ୍ତ ୨୧ ଜଣ ସଦସ୍ୟଙ୍କୁ ନିଜ ଦେଶ ଭିଏତନାମ ଯିବାପାଇଁ ମାନ୍ୟବର ଅଦାଲତ ଅନୁମତି ଦେଇଥିଲେ । ସେମାନଙ୍କ ମଧ୍ୟରୁ ୧୦ ଜଣ କ୍ରିୟୁ ସଦସ୍ୟଙ୍କ ଭିସା ଅବଧି ସରିଯାଇଥିବାରୁ ସେମାନେ ଜାହାଜରେ ରହିବେ । ବାକି ୧୧ ଜଣ କ୍ରିୟୁ ସଦସ୍ୟ ନିଜ ଦେଶକୁ ଯିବେ ଏବଂ ୧୧ ଜଣ ନୂତନ କ୍ରିୟୁ ସଦସ୍ୟ ଜାହାଜରେ ଚଢିବେ । ଯଦି ଆଜି ପାଗ ଠିକ୍ ରୁହେ, ତେବେ ଦୀର୍ଘ ବର୍ଷେ ପରେ ଜାହାଜର ୧୧ ଜଣ ସଦସ୍ୟ ନିଜ ଦେଶକୁ ଫେରିଯିବେ । ମାତ୍ର ଜାହାଜ ପାରାଦ୍ଵୀପ ବନ୍ଦରର ଆଙ୍କରେଜରେ ହିଁ ରହିବ ବୋଲି ସୂଚନା ମିଳିଛି ।