ସରକାରଙ୍କ କଡ଼ା ତାଗିଦ ସତ୍ତ୍ବେ ଆଜି ବି କଲମ ଛାଡ ଆନ୍ଦୋଳନରେ ବସିଛନ୍ତି ରାଜସ୍ବ ଅମଲା କର୍ମଚାରୀ। ସରକାର ବାରମ୍ବାର ଆଲୋଚନା ପରେ ଦାବି ଶୁଣୁନାହାନ୍ତି। ଅପରପକ୍ଷରେ ଆନ୍ଦୋଳନକୁ ଦବାଇବା ପାଇଁ ସରକାର ଉଦ୍ୟମ କରୁଥିବା ଅଭିଯୋଗ କରିଛନ୍ତି ଆନ୍ଦୋଳନକାରୀ। ବିଭିନ୍ନ ଦାବି ନେଇ ରାଜସ୍ବ ଅମଲା ସଂଘର 30 ଜିଲ୍ଲାର 10 ହଜାରରୁ ଅଧିକ କର୍ମଚାରୀ ୩ ଦିନ ହେବ ସମୂହ ଛୁଟିରେ ଯାଇଛନ୍ତି। ଗତ ଜୁଲାଇ 7 ତାରିଖରେ ଅମଲା କର୍ମଚାରୀମାନେ କଳାବ୍ଯାଜ୍ ପରିଧାନ କରିଥିଲେ। ପରେ ସରକାରଙ୍କ ସହ ଆଲୋଚନା ପରେ ଦାବି ପୂରଣ ଆଶାରେ ଅଗଷ୍ଟ 10 ତାରିଖ ପର୍ଯ୍ୟନ୍ତ ଆନ୍ଦୋଳନକୁ ସ୍ଥଗିତ ରଖିଥିଲା। ଏହା ଭିତରେ ସରକାର କୌଣସି ପ୍ରତିଶୃତି ପାଳନ ନକରିବାରୁ ସମସ୍ତେ ସମୂହ ଛୁଟିରେ ଯାଇଛନ୍ତି।
