ଦୀପାବଳି ପରେ ବାଣ ଫୁଟିବ : ଦେବେନ୍ଦ୍ର ଫାଣ୍ଡନବିସ୍

ଡ୍ରଗ୍ କେସ୍ ବିବାଦକୁ ନେଇ ଆରମ୍ଭ ହେଲା ନୂଆ ଶତ୍ରୁତା  । ମହାରାଷ୍ଟ୍ର ଏନସିପି ମୁଖ୍ୟ ଓ ମହାରାଷ୍ଟ୍ର ପୂର୍ବତନ ମୁଖ୍ୟମନ୍ତ୍ରୀ ହେଲେ ମୁହାଁମୁହିଁ  । ଫାଣ୍ଡନବିସଙ୍କର ନୱାବଙ୍କୁ ପଲଟା ଜବାବ  । ମହାରାଷ୍ଟ୍ରର ଏନସିପି ମନ୍ତ୍ରୀ ନୱାବ ମଲ୍ଲିକଙ୍କୁ ଖୋଲାଖୋଲି ଧମକ ଦେଲେ ମହାରାଷ୍ଟ୍ର ପୂର୍ବତନ ମୁଖ୍ୟମନ୍ତ୍ରୀ ଫାଣ୍ଡନବିସ୍  । କହିଲେ ଦୀପାବଳିରେ ନୁହେଁ ଦୀପାବଳି ପରେ ବାଣ ଫୁଟିବ  ।

ବଲିଉଡ ସୁପରଷ୍ଚାର ଶାହରୁଖ ଖାନଙ୍କ ପୁଅ ଆର୍ଯ୍ୟନ ଖାନଙ୍କ ବେଲ୍ ପରେ ଏହି ମାମଲାକୁ ନେଇ ମହାରାଷ୍ଟ୍ରର ଦୁଇ ମନ୍ତ୍ରୀଙ୍କ ମଧ୍ୟରେ ଆରମ୍ଭ ହୋଇଛି ଶତ୍ରୁତା  । ଜଣେ ଅନ୍ୟ ଜଣକୁ ଆରୋପ ଲଗାଉଛି  । ମାତ୍ର କିଏ ସତ କହୁଛି ତାହାର ସତ୍ୟାସତ୍ୟ ଏ ଯାଏ ଜଣାପଡ଼ିନାହିଁ  । ମହାରାଷ୍ଟ୍ର ପୂର୍ବତନ ମୁଖ୍ୟମନ୍ତ୍ରୀ ଫାଣ୍ଡନବିସଙ୍କ ପତ୍ନୀ ଅମୃତାଙ୍କ ସହ ଜୟଦୀପ ରାଣାଙ୍କ ୪ ବର୍ଷ ତଳର ଏକ ଫଟୋ ସେୟାର କରି ମହାରାଷ୍ଟ୍ର ମନ୍ତ୍ରୀ ନୱାବ ମଲ୍ଲିକ କହିଥିଲେଯେ ଏହି ଫଟୋରୁ ଜଣାପଡ଼ୁଛି କି ଡ୍ରଗ୍ସ ବେପାରୀ ଜୟଦୀପ ରାଣାଙ୍କର ଦେବେନ୍ଦ୍ର ଫାଣ୍ଡନବିସ ଓ ତାଙ୍କ ପରିବାର ସହ ନିଶ୍ଚୟ ସମ୍ବନ୍ଧ ରହିଛି  । ମାତ୍ର ପରେ ଫାଣ୍ଡନବିସ ପରେ ଏହି ଆରୋପକୁ ଖଣ୍ଡନ କରିଥିଲେ ଓ ଜୟଦୀପ ରାଣାଙ୍କ ସହ ତାଙ୍କର କିମ୍ବା ତାଙ୍କ ପରିବାରର କୈାଣସି ପ୍ରକାର ସମ୍ପର୍କ ନାହିଁ ବୋଲି ପ୍ରକାଶ କରିଥିଲେ  ।

ଏହାପରେ ଫାଣ୍ଡନବିସ୍ ଆଜି ମନ୍ତ୍ରୀ ନୱାବଙ୍କ ଉପରେ ଏକ ଗମ୍ଭୀର ଆରୋପ ଲଗାଇଛନ୍ତି  । ସେ କହିଛନ୍ତି ଯେ ନୱାବଙ୍କର ଅନଡରୱାଲ୍ଡ ସହ ସମ୍ବନ୍ଧ ରହିଛି  । ଯାହାର ସମସ୍ତ ସଠିକ୍ ପ୍ରମାଣ ଓ ତଥ୍ୟ ତାଙ୍କ ପାଖରେ ସୁରକ୍ଷିତ ଅଛି  । ମାତ୍ର ସେ ଏହାକୁ ଏବେ ନୁହେଁ ଦୀପୀବଳି ପରେ ଏ ସବୁର ପ୍ରମାଣ ତଥ୍ୟ ସହ ଗଣମାଧ୍ୟମ ଓ ଏନସିପି ଅଧ୍ୟକ୍ଷ ସରଦ ପରୱାରଙ୍କୁ ହସ୍ତାନ୍ତର କରିବେ  ।  ତେବେ ଦୀପାବଳି ପରେ ଏହାର ସତ୍ୟାସତ୍ୟ ଜଣାପଡ଼ିବ ଆଉ ଏହି ସବୁ ପ୍ରମାଣ ଗଣମାଧ୍ୟମ ହାତରେ କେବେ ଲାଗୁଛି ତାହା ଦେଖିବାକୁ ବାକି ରହିଲା  ।