ଅକ୍ସଫୋର୍ଡ ଭ୍ୟାକସିନ୍ ସୁରକ୍ଷିତ: ସେରମ୍ ଇନଷ୍ଟିଚ୍ୟୁଟ୍

ନୂଆଦିଲ୍ଲୀ: ଆଷ୍ଟ୍ରାେ ଜେନେଙ୍କା ଅକ୍ସଫୋର୍ଡ ଟିକା ୬୦ରୁ ୭୦ ପ୍ରତିଶତ କମ୍ ଫଳପ୍ରଦ ହେଲେ ବି କରୋନାଭାଇରସ୍ ବିରୋଧରେ ଲଢିବା ପାଇଁ ପ୍ରଭାବଶାଳୀ ହେବ ବୋଲି ଗୁରୁବାର ଦିନ ସେରମ୍ ଇନଷ୍ଟିଚ୍ୟୁଟ୍ ଅଫ୍ ଇଣ୍ଡିଆ (ଏସଆଇଆଇ)  କହିଛି ।

ଟିକା ଉତ୍ପାଦନ ଏବଂ ବିତରଣ କ୍ଷେତ୍ରରେ ଏସଆଇଆଇ, ଅକ୍ସଫୋର୍ଡ ୟୁନିଭରସିଟି ଏବଂ ଆଷ୍ଟ୍ରାେ ଜେନେଙ୍କା ସହିତ ମିଶି କାର୍ଯ୍ୟ କରୁଛି । ଏକ ବିଜ୍ଞପ୍ତିରେ ଏସଆଇଆଇ କହିଛନ୍ତି, ଯଦିଓ ଏହାର ପ୍ରଭାବ ୬୦-୭୦ ପ୍ରତିଶତ ରହିଛି, ତେବେ କରୋନା ମୁକାବିଲା ପାଇଁ ଏହା ଯଥେଷ୍ଟ । ଆମକୁ ନଡରି ଏଥିପାଇଁ  ଧୖେର୍ଯ୍ୟବାନ ହେବାକୁ ପଡ଼ିବ ।

ଗତ ବୁଧବାର ଦିନ ଆଷ୍ଟ୍ରାେଜେନେକା ଏହାର ଉତ୍ପାଦନରେ ଏକ ତ୍ରୁଟି ଥିବା ସ୍ୱୀକାର କରିଥିଲା । ଯାହା ପରେ କମ୍ପାନୀ ପକ୍ଷରୁ ଏଭଳି ବୟାନ ଜାରି କରାଯାଇଛି ।

ଏହି ଘଟଣା ପରେ ଆଷ୍ଟ୍ରାେଜେନେକା ଏବଂ ଅକ୍ସଫୋର୍ଡର ପରୀକ୍ଷଣ କିପରି କରାଯାଇଥିଲା ତାହା ଉପରେ ମଧ୍ୟ ପ୍ରଶ୍ନବାଚୀ ସୃଷ୍ଟି ହୋଇଛି । ଏପରିକି କିଛି ବୖେଜ୍ଞାନିକ ମାନେ ପୂରା ପ୍ରକ୍ରିୟା ଉପରେ ପାରଦର୍ଶିତା ମିଳିନଥିବା ଅଭିଯୋଗ ମଧ୍ୟ କରିଛନ୍ତି ।

ତେବେ ଭାରତରେ ଚାଲିଥିବା ଟିକା ପରୀକ୍ଷଣକୁ ନେଇ ଚିନ୍ତା କରିବାର କିଛି ନାହିଁ ବୋଲି ଏସଆଇଆଇ ପ୍ରକାଶ କରିଛି ।