ଦୀର୍ଘ ଦେଢ଼ ବର୍ଷ ପରେ ଆଜିଠୁ ଆରମ୍ଭ ହେବ ନନ୍ଦନକାନନରେ ସଫାରି
ଭୁବନେଶ୍ୱର: ପଯ୍ୟଟକଙ୍କ ପାଇଁ ଖୁସି ଖବର। ଦୀର୍ଘ ଦେଢ଼ ବର୍ଷ ପରେ ନୂତନ ଟେଣ୍ଡର ପ୍ରକ୍ରିୟାରେ ନନ୍ଦନକାନନରେ ଆଜିଠୁ ଗଡ଼ିବ ସଫାରି ବସ୍। ନନ୍ଦନକାନନର ପଛପଟ ୯ନମ୍ବର ଗେଟ ପାଖରେ ନବ ନିର୍ମିତ ହୋଇଥିବା ନୂତନ ସଫାରି ବସ୍ଷ୍ଟାଣ୍ଡ ଠାରେ ଟିକେଟ କାଟି ୪ଟି ସଫାରିର ମଜା ପଯ୍ୟଟକ ନେଇପାରିବେ। ୪ଟି ସଫାରି ତୃଣ ଭୋଜି, ଭାଲୁ, ବାଘ, ସିଂଘ ସଫାରିକୁ ପୁଣି ବୁଲିବାର ସୁଯୋଗ ପାଇବେ ପଯ୍ୟଟକ। ପ୍ରଥମେ ୩୪ ଟି ସିଟ ବିଶିଷ୍ଟ ୨ଟି ସଫାରି ବସ୍କୁ ଚାଲୁ କରାଯିବ। ପ୍ରତି ପଯ୍ୟଟକଙ୍କ ପିଛା ସଫାରି ଟିକେଟ ଧାର୍ଯ୍ୟ ରଖାଯାଇଛି ୬୦ଟଙ୍କା। ଏନେଇ ସୂଚନା ଦେଇଛନ୍ତି ଉପ ନିର୍ଦେଶକ ଡ଼ଃ ସଂଜୀବ କୁମାର।
