୯ ବର୍ଷରୁ ଅଧିକ ସମୟ ପରେ ମା’ କୋଳକୁ ଫେରିଲା ପୁଅ: ନାବାଳକ ଶିଶୁ ଉଦ୍ଧାର ସହ ବାପା ଗିରଫ

ବାଲେଶ୍ବର: ୯ ବର୍ଷରୁ ଅଧିକ ସମୟ ପରେ ମା’ କୋଳକୁ ଫେରିଲା ପୁଅ । ଦିଲ୍ଲୀରୁ ନାବାଳକ ଶିଶୁକୁ ଉଦ୍ଧାର ସହିତ ବାପାକୁ ଗିରଫ କରିଛି ବାଲେଶ୍ୱର ପୋଲିସ। ସ୍ବାମୀ ୪ ବର୍ଷର ଶିଶୁକୁ ଧରି ଫେରାର ହୋଇଥିବା ନେଇ ୨୦୧୬ ମସିହାରେ ମେଣ୍ଢାଶୁଳ ଅଞ୍ଚଳର ସୀମା ଶତପଥୀ ଅଭିଯୋଗ କରିଥିଲେ। ଏନେଇ କୋର୍ଟରେ ମାମଲା ଚାଲିଥିଲା। ତେବେ କୋର୍ଟଙ୍କ ନିର୍ଦ୍ଦେଶ ପରେ ପୋଲିସ ଖୋଜାଖୋଜି ଚଳାଇଥିଲା । ଦୀର୍ଘ ସାଢ଼େ ୯ ବର୍ଷ ପର୍ଯ୍ୟନ୍ତ ପିଲା କିମ୍ବା ବାପାର ଠିକଣା ପୋଲିସ ପାଇନଥିଲା। ଶେଷରେ ଦିଲ୍ଲୀରୁ ନାବାଳକକୁ ଉଦ୍ଧାର କରିଛି ପୋଲିସ। ଏହା ସହିତ ବାପା କମଳାକାନ୍ତ ମିଶ୍ରକୁ ଗିରଫ କରି କୋର୍ଟ ଚାଲାଣ କରିଛି ପୋଲିସ।