୫ ବର୍ଷ ଧରି ଗାଏବ ଥିବା ଆଲିବାବାର ମାଲିକ ଜ୍ୟାକ ମା’ ଶେଷରେ ସାମ୍ନାକୁ ଆସିଲେ

ବେଜିଂ: ଚୀନର ସବୁଠାରୁ ଧନୀ ବ୍ୟକ୍ତି ତଥା ବିଶିଷ୍ଟ ଶିଳ୍ପପତି ଜ୍ୟାକ ମା’ଙ୍କୁ ନେଇ ଆସିଛି ଏକ ବଡ଼ ଖବର । ଦୀର୍ଘ ୫ ବର୍ଷ ଧରି ଗାଏବ ଥିବା ଜ୍ୟାକ ମା ଶେଷରେ ସାବର୍ଜନିକ ଭାବେ ସାମ୍ନାକୁ ଆସିଛନ୍ତି । ବିଶ୍ବର ଧନୀ ବ୍ୟକ୍ତି ତାଲିକାରେ ସ୍ଥାନ ପାଉଥିବା ଜ୍ୟାକ ମା ଆଲିବାବା ଗ୍ରୁପର ମାଲିକ ଅଟନ୍ତି । ୨୦୨୦ ମସିହା ପରଠାରୁ ଜ୍ୟାକ ମା’ଙ୍କୁ ସର୍ବସାଧାରଣ ସ୍ଥାନରେ ଦେଖିବାକୁ ମିଳୁନଥିଲା । ସେହି ସମୟଠାରୁ ଜ୍ୟାକ ମା’ ସମ୍ଭବତଃ ଗାଏବ ରହିଥିଲେ । ଚୀନର ଆର୍ଥିକ କ୍ଷେତ୍ରକୁ ନେଇ ସେ ଆଲୋଚନା କରିଥିଲେ । ତା’ ପରଠାରୁ ସେ କୁଆଡ଼ା ଗାଏବ ହୋଇଯାଇଥିଲେ । ମାତ୍ର ଏବେ ଜ୍ୟାକ ମା ଚୀନ ରାଷ୍ଟ୍ରପତି ଶି ଜିନପିଙ୍ଗଙ୍କ ସହ ସାମ୍ନାକୁ ଆସିଛନ୍ତି । ତେଣୁ ଚୀନରେ ଆଗକୁ କ’ଣ ଘଟିବ ବୋଲି ଏବେ ଚର୍ଚ୍ଚା ଜୋର ଧରିଛି ।

ଆଲିବାବାର ସଂସ୍ଥାପକ ଜ୍ୟାକ ମା ବିଶ୍ବର ସବୁଠାରୁ ଧନୀବ୍ୟକ୍ତିମାନଙ୍କ ମଧ୍ୟରେ ଗଣାଯାଉଥିଲେ । ସେ ଚୀନର ସବୁଠାରୁ ଚର୍ଚ୍ଚିତ ଓ ପ୍ରଭାବଶାଳୀ ବ୍ୟକ୍ତି ଥିଲେ । ୨୦୨୦ ପରଠାରୁ ଜ୍ୟାକ ମା’ଙ୍କୁ କୌଣସି ସର୍ବସାଧାରଣ ସ୍ଥାନରେ ଦେଖିବାକୁ ମିଳିନଥିଲା । ଚୀନର ଆର୍ଥିକ ସିଷ୍ଟମକୁ ନେଇ ଜ୍ୟାକ ମା ଖୋଲାଖୋଲି ଭାବେ ଆଲୋଚନା କରିଥିଲେ, ଯାହାକୁ କି ବେଜିଂ ସରକାର ସହଜରେ ଗ୍ରହଣ କରିପାରି ନଥିଲେ । ଉକ୍ତ ଘଟଣା ପରେ ଚୀନ ସରକାର ଜ୍ୟାକ ମା’ଙ୍କ ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରିଥିଲେ । ଜ୍ୟାକ ମା’ ନିଜକୁ ସାର୍ବଜନିକ ଜୀବନ ଠାରୁ ଦୂରେଇ ରଖିଥିଲେ । ମାତ୍ର ଏବେ ପୁଣି ଥରେ ଜ୍ୟାକ ମା’ଙ୍କ ପ୍ରତ୍ୟାବର୍ତ୍ତନ ଏକ ନୂଆ ସଙ୍କେତ ଦେଉଛି । ଚୀନ ସରକାର ଓ ଘରୋଇ କ୍ଷେତ୍ର ମଧ୍ୟରେ ଏହା କ’ଣ ସମାଧାନର ସଙ୍କେତ କି ବୋଲି ମଧ୍ୟ ପ୍ରଶ୍ନ ଉଠିଛି ।