ପନ୍ଦର ଦିନ ପରେ ବି ନିଖୋଜ ନନ୍ଦକିଶୋର, ଅଜଗର ବି ନାହିଁ…
1 min read
କଟକ: କୁଆଡ଼େ ଗଲେ କଟକ ସାନମୁଣ୍ଡୁଳୀ ଗାଁର ନନ୍ଦକିଶୋର । ୧୫ ଦିନ ପରେ ବି ବୃଦ୍ଧଙ୍କ ପତ୍ତା ମିଳୁନି । ଚନ୍ଦକା-ଡମପଡ଼ା ରାସ୍ତାରୁ ମୋପେଡ ଓ ଚପଲ ମିଳିଥିବା ବେଳେ ଏପର୍ଯ୍ୟନ୍ତ ନନ୍ଦକିଶୋରଙ୍କ କୌଣସି ଖୋଜ୍ ଖବର ମିଳୁନାହିଁ । ଗତ ୨୮ ତାରିଖରେ ଡମପଡ଼ା ଅଭୟାରଣ୍ୟ ଭିତରେ ଥିବା ଯାରିଆ, ଢୋଲକାଠ ଗାଁକୁ ବ୍ୟବସାୟ କରିବାକୁ ଯାଇଥିଲେ । ହେଲେ ଘରକୁ ନଫେରିବାରୁ ପରିବାର ବହୁ ଖୋଜାଖୋଜି କରିବା ପରେ ବାଙ୍କୀ ଥାନା କଁଇମୁଣ୍ଡି ଫାଣ୍ଡିରେ ଅଭିଯୋଗ କରିଥିଲେ ।
ଆଜିକୁ ୧୫ ଦିନ ହୋଇଗଲାଣି ହେଲେ ଏଯାଏଁ ନନ୍ଦକିଶୋରଙ୍କ କୌଣସି ସନ୍ଧାନ ମିଳୁନାହିଁ । ସେପଟେ ନନ୍ଦକିଶୋରଙ୍କୁ ଅଜଗର ଗିଳି ଦେଇଥିବା ଆଶଙ୍କା ପ୍ରକାଶ କରିଛନ୍ତି ଲୋକ । ହେଲେ ଏହାକୁ ବିଶେଷଜ୍ଞ ଅସ୍ବୀକାର କରିଛନ୍ତି । କଟକ ଗ୍ରାମାଞ୍ଚଳ ଅତିରିକ୍ତ ଏସପି କହିଛନ୍ତି, ବୃଦ୍ଧଙ୍କୁ ଖୋଜିବାକୁ ଏକ ସ୍ବତନ୍ତ୍ର ଟିମ୍ ଗଠନ କରାଯାଇଛି । ଶୀଘ୍ର ବୃଦ୍ଧଙ୍କ ସମ୍ପର୍କରେ ତଥ୍ୟ ମିଳିବ ବୋଲି କହିଛନ୍ତି ।
