ଦେଶରେ ପୁଣି ବଢ଼ିଲା କରୋନା ଆକ୍ରାନ୍ତଙ୍କ ସଂଖ୍ୟା, ୧୦ ହଜାର ଡେଇଁଲା ଦୈନିକ ସଂକ୍ରମଣ

ନୂଆଦିଲ୍ଲୀ: ଦେଶରେ ଧିରେ ଧିରେ ଉପରମୁହାଁ କରୋନା ଗ୍ରାଫ୍ । ପୁଣି ଚିନ୍ତା ବଢ଼ାଇଲାଣି କରୋନା ସଂକ୍ରମଣ । ଦୀର୍ଘ ଦିନ ପରେ ଦୈନକ କରୋନା ସଂକ୍ରମଣ ୧୨ ହଜାର ଟପିଛି । ୨୪ ଘଣ୍ଟାରେ ୧୨ ହଜାର ୨୧୩ ସଂକ୍ରମିତ ଚିହ୍ନଟ ହୋଇଥିବା ବେଳେ ୧୧ ଜଣଙ୍କ ଜୀବନ ନେଇଛି କରୋନା । ସକ୍ରିୟ ସଂକ୍ରମିତ ସଂଖ୍ୟା ୫୮ ହଜାର ୨୧୫ ଥିବା ବେଳେ ୨୪ ଘଣ୍ଟାରେ ୭ ହଜାରରୁ ଅଧିକ ଆକ୍ରାନ୍ତ ସୁସ୍ଥ ହୋଇଛନ୍ତି । ୫ଟି ରାଜ୍ୟରେ ସର୍ବାଧିକ ସଂକ୍ରମିତ ଚିହ୍ନଟ ହୋଇଛନ୍ତି । ମହାରାଷ୍ଟ୍ରରେ ୪ ହଜାର ୨୪, କେରଳରେ ୩ ହଜାର ୪୮୮, ଦିଲ୍ଲୀରେ ୧୩୭୫, କର୍ଣ୍ଣାଟକରେ ୬୪୮ ଓ ହରିୟାଣାରେ ୫୯୬ ମାମଲା ସାମ୍ନାକୁ ଆସିଛି ।

ମୋଟ ସଂକ୍ରମିତଙ୍କ ମଧ୍ୟରୁ ୫ ରାଜ୍ୟରୁ ୮୨.୯୬ ପ୍ରତିଶତ ସଂକ୍ରମିତ ଚିହ୍ନଟ ହୋଇଛନ୍ତି । କେବଳ ମହାରାଷ୍ଟ୍ରରୁ ୩୨.୯୫ ପ୍ରତିଶତ ସଂକ୍ରମିତ ଚିହ୍ନଟ ହୋଇଛନ୍ତି । ଦିନକ ପୂର୍ବରୁ ଦେଶରେ ସଂକ୍ରମିତଙ୍କ ସଂଖ୍ୟା ୮ ହଜାର ୮୨୨ ଥିଲା । ମଙ୍ଗଳବାର ଏହି ସଂଖ୍ୟା ୩୩.୮ ପ୍ରତିଶତ ସଂକ୍ରମିତଙ୍କ ସଂଖ୍ୟା ବଢ଼ିଥିଲା । ଗୋଟିଏ ଦିନରେ ୧୫ ଜଣଙ୍କ ଜୀବନ ଯାଇଥିଲା । ଲଗାତର ୩ ଦିନ ଧରି ଦୈନିକ ସଂକ୍ରମଣ ୮ ହଜାରରୁ ଅଧିକ ଥିଲା ।