ଶ୍ରଦ୍ଧା ଓ୍ବାକର ହତ୍ୟା ଘଟଣା; ପୋଲିସକୁ ଦାୟୀ କଲେ ବାପା

ନୂଆଦିଲ୍ଲୀ: ଦିଲ୍ଲୀରେ ଶ୍ରଦ୍ଧା ହତ୍ୟା ଘଟଣାରେ ମହାରାଷ୍ଟ୍ର ପୋଲିସକୁ ଦାୟୀ କଲେ ଶ୍ରଦ୍ଧାଙ୍କ ବାପା ବିକାଶ ଓ୍ବାକର। ଘଟଣାରେ ତଦନ୍ତ କରି ଦୋଷୀଙ୍କ ବିରୋଧରେ କଡା କାର୍ଯ୍ୟାନୁଷ୍ଠାନ ନେବାକୁ ଦାବି କରିଛନ୍ତି ବାପା ବିକାଶ। ଶ୍ରଦ୍ଧାକୁ ହତ୍ୟା ପାଇଁ ବୟଫ୍ରେଣ୍ଡ ଅଫତାବକୁ ଫାଶୀ ଦଣ୍ଡ ଦେବାକୁ ଦାବି କରିଛନ୍ତି । ଏଥିସହ ଅଫତାବର ପରିବାର ଲୋକଙ୍କ ବିରୋଧରେ କାର୍ଯାନୁଷ୍ଠାନ ନେବାକୁ ଦାବି କରିଛନ୍ତି ବିକାଶ ।

୨୭ ବର୍ଷୀୟ ଶ୍ରଦ୍ଧା ହତ୍ୟା ଘଟଣା ପରେ ପ୍ରଥମ ଥର ପାଇଁ ତାଙ୍କ ପରିବାର ତରଫରୁ ଏଭଳି ବୟାନ ଦିଆଯାଇଛି। ପିଲାମାନେ ୧୮ ବର୍ଷ ହେବା ପରେ ପରିବାର ଲୋକଙ୍କୁ ଯେଉଁ ସ୍ବାଧିନତା ମାଗୁଛନ୍ତି ତା ଉପରେ ଗମ୍ଭୀର ଚିନ୍ତା କରିବାର ସମୟ ଆସିଛି। ଏଥିସହ କିଛି ଡେଟିଂ ଆପ୍‌ ଉପରେ ମଧ୍ୟ କଟକଣା ଲଗାଇବାକୁ ଦାବି କରିଛନ୍ତି ଶ୍ରଦ୍ଧାଙ୍କ ବାପା।

ଏହି ଆପ୍‌ ଯୋଗୁଁ ଛୋଟ ଛୋଟ ପିଲା ମାନେ ଭୁଲ ବାଟରେ ଯାଉଛନ୍ତି । ସେମାନଙ୍କୁ ସେଭଳି ଆପ୍‌ଠୁ ଦୁରେଇ ରଖାଯାଉ। ଶ୍ରଦ୍ଧା ଘର ଛାଡି ଅଫତାବ ସହ ଯିବା ପୂର୍ବରୁ ତାକୁ ଅନେକ ଥର ବୁଝାଇଥିଲୁ । କିନ୍ତୁ ଶ୍ରଦ୍ଧା ବୁଝିନଥିଲା । ମୁଁ ବଡ଼ ହୋଇଗଲିଣି । ନିଜ ପାଇଁ ନିଜେ ନିଷ୍ପତ୍ତି ନେଇପାରିବି ବୋଲି କହିଥିଲା । ଏହାପରେ ତିନି ବର୍ଷ ଧରି ଶ୍ରଦ୍ଧା ଓ ଅଫତାବ ସାଙ୍ଗରେ ରହିଥିଲେ । ହେଲେ ପାଖାପାଖି ବର୍ଷେ ପର୍ଯ୍ୟନ୍ତ ଶ୍ରଦ୍ଧା ସହ କଥା ନହେବା ପରେ ମହାରାଷ୍ଟ୍ର ପୋଲିସରେ ଅଭିଯୋଗ କରିଥିଲେ ଶ୍ରଦ୍ଧାଙ୍କ ବାପା । ସେତେବେଳେ ଯଦି ମହାରାଷ୍ଟ୍ର ପୋଲିସ ତଦନ୍ତ କରିଥାନ୍ତା ଆଜି ଶ୍ରଦ୍ଧା ବଞ୍ଚିଥାନ୍ତା ବୋଲି ବାପା ବିକାଶ ଓ୍ବାକର କହିଛନ୍ତି ।