ଆମେରିକା ସୈନ୍ୟ ଯାଉ ଯାଉ ପଞ୍ଜଶିର ଉପରେ ତାଲିବାନର ଆକ୍ରମଣ

କାବୁଲ: ଆଫଗାନିସ୍ତାନରୁ ଆମେରିକା ସୈନ୍ୟ ପ୍ରତ୍ୟାବର୍ତ୍ତନ କରିବା ପରେ କାବୁଲ ବିମାନବନ୍ଦରକୁ କବଜା କରି ନେଇଛି ତାଲିବାନ । ଏବେ କେବଳ ପଞ୍ଜଶିର ଦଖଲ ଠାରୁ ତାଲିବାନ ଦୂରରେ ରହିଛି । କିଛିଦିନ ତଳେ ତାଲିବାନ ଓ ନର୍ଦନ ଆଲାୟନ୍ସ ମଧ୍ୟରେ ଅସ୍ତ୍ରବିରତି ନେଇ ସହମତି ହୋଇଥିଲା । କିନ୍ତୁ ଆମେରିକା ସୈନ୍ୟ ଦେଶ ଛାଡ଼ୁ ଛାଡ଼ୁ ତାଲିବାନ ତା’ର ଅସଲ ରୂପ ଦେଖାଇଛି । ପଞ୍ଜଶିରରେ ନର୍ଦନ ଆଲାୟନ୍ସର ନେତୃତ୍ୱ ନେଉଥିବା ଅହମଦ ମସୁଦ ସମର୍ଥିତ ସୂତ୍ର ଦାବି ଅନୁସାରେ, ସୋମବାର ରାତିରେ ତାଲିବାନ ଆକ୍ରମଣ କରିଛି ।

ପଞ୍ଜିଶିରର ଯୋଦ୍ଧା ସୈନିକ ତାଲିବାନକୁ ଜବାବ ଦେଇଛନ୍ତି । ଉଭୟ ପଟୁ ହୋଇଥିବା ଗୁଳି ବିନିମୟରେ ତାଲିବାନୀ ୭ରୁ ୮ ଜଣ ନିହତ ହୋଇଥିବା କୁହାଯାଉଛି । ନର୍ଦନ ଆଲାୟନ୍ସ ଅନୁସାରେ, ଗୁଳି ବିନିମୟରେ ତାଙ୍କର ୨ ଜଣ ଯୋଦ୍ଧା ପ୍ରାଣ ହରାଇଛନ୍ତି । ଦାୟକୁନ୍ଦି ପ୍ରଦେଶର ଖଦିର ଜିଲ୍ଲାରେ ହଜାରା ସମୁଦାୟର ୧୪ ଲୋକଙ୍କୁ ତାଲିବାନ ହତ୍ୟା କରିଛି ।