ବିଶ୍ବକପ୍: ପାକିସ୍ତାନ ବିପକ୍ଷ ବିଜୟକୁ ୧୭ ଲକ୍ଷ ଶରଣାର୍ଥୀଙ୍କୁ ସମର୍ପଣ କଲା ଆଫଗାନିସ୍ତାନ ଟିମ୍

ଚେନ୍ନାଇ: ଦିନିକିଆ ବିଶ୍ବକପରେ ପାକିସ୍ତାନକୁ ହରାଇ ଆଫଗାନିସ୍ତାନ ନିଜ ଦେଶର ଶରଣାର୍ଥୀଙ୍କ ଉପରେ ହେଉଥିବା ନିର୍ଯାତନାର ପ୍ରତିଶୋଧ ନେଇଛି । ଚେନ୍ନାଇର ଏମ.ଏ. ଚିଦାମ୍ବରମ୍ ଷ୍ଟାଡିୟମରେ ୮ ଓ୍ବିକେଟରେ ପାକିସ୍ତାନକୁ ହରାଇବା ସହ ଏହି ବିଜୟକୁ ପାକିସ୍ତାନରୁ ବିତାଡ଼ିତ ହେୁଥିବା ୧୭ ଲକ୍ଷ ଆଫଗାନୀ ଶରଣାର୍ଥୀଙ୍କୁ ସମର୍ପଣ କରିଛି ଆଫଗାନିସ୍ତାନ କ୍ରିକେଟ୍ ଟିମ୍ ।

କିଛିଦିନ ପୂର୍ବରୁ ପାକିସ୍ତାନ ନିଜ ଦେଶରେ ଥିବା ଆଫଗାନିସ୍ତାନ ସମେତ ଅନ୍ୟ ଦେଶର ଶରଣାର୍ଥୀଙ୍କୁ eଭେମ୍ବର ୧ ତାରିଖ ମଧ୍ୟରେ ଦେଶ ଛାଡ଼ି ଚାଲିଯିବାକୁ ନିର୍ଦ୍ଦେଶ ଦେଇଛନ୍ତି । ଆଫଗାନିସ୍ତାନ ସରକାର ପାକିସ୍ତାନର ଏହି ନିଷ୍ପତ୍ତି ଉପରେ ଆପତ୍ତି ଉଠାଇବା ସହ ଏହା ସ୍ବୀକାର କରାଯିବ ନାହିଁ ବୋଲି କହିଛି ।

ପାକିସ୍ତାନର ଏହି ନିଷ୍ପତ୍ତିକୁ ଆଫଗାନିସ୍ତାନ ଟିମ୍ ବିଶ୍ବକପ୍ ମୈଦାନରେ ନେଇଛି । ଆଫଗାନିସ୍ତାନ ବ୍ୟାଟ୍ସମ୍ୟାନ ଇବ୍ରାହିମ ଜାଦରାନ ୮୭ ରନର ଧୂଆଁଧାର ପ୍ରଦର୍ଶନ ସହ ପାକିସ୍ତାନକୁ ପରାଜୟର ବାଟ ଦେଖାଇ ଦେଇଥିଲେ । ଏହି ମ୍ୟାଚରେ ଜାଦରାନଙ୍କୁ ପ୍ଲେୟାର ଅଫ୍ ଦି ମ୍ୟାଚ୍ ଘୋଷଣା କରାଯାଇଥିଲା । ପୁରସ୍କାର ଗ୍ରହଣ କରିବା ପରେ ଜାଦରାନ କହିଥିଲେ, ‘ଏହି ସମ୍ମାନକୁ ମୁଁ ଦେଶବାଦୀଙ୍କ ସମେତ ପାକିସ୍ତାନରୁ ତଡ଼ା ଖାଉଥିବା ଆଫଗାନୀ ଶରଣାର୍ଥୀଙ୍କୁ ସମର୍ପିତ କରୁଛି ।

ଜାଦରାନଙ୍କ ଏହି ବୟାନ ଏବେ ସୋସିଆଲ ମିଡ଼ିଆରେ ଭାଇରାଲ ହେବାରେ ଲାଗିଛି । ସୋସିଆଲ ମିଡ଼ିଆ ୟୁଜର୍ସ ଜାଦରାନଙ୍କ ଏହି ନିଷ୍ପତ୍ତିକୁ ପ୍ରଶଂସା କରୁଛନ୍ତି ।