ସମ୍ବଲପୁରରେ ହାଇକୋର୍ଟ ବେଞ୍ଚ ଆନ୍ଦୋଳନ ପ୍ରସଙ୍ଗରେ ଆଇନଜୀବୀଙ୍କ ଆଲୋଚନା

ସମ୍ବଲପୁର: ଓଡିଶା ଆଇନଜୀବୀ ସଂଘର ସଭାପତି ଜ୍ଞାନ ରଞ୍ଜନ ମହାନ୍ତି ସମ୍ବଲପୁର ଆସିଛନ୍ତି । ସମ୍ବଲପୁର ଗସ୍ତରେ ଆସି ଜିଲ୍ଲା ଓକିଲ ସଂଘର ସଭାପତି ତଥା ବରିଷ୍ଠ ଆଇନଜୀବୀ ମାନଙ୍କ ସହ ହାଇକୋର୍ଟ ବେଞ୍ଚ ଆନ୍ଦୋଳନ ପ୍ରସଙ୍ଗରେ ଗୁରୁତ୍ବପୂର୍ଣ ଆଲୋଚନା କରିଛନ୍ତି । ହାଇକୋର୍ଟ ବେଞ୍ଚ ଆନ୍ଦୋଳନକୁ ନିଖିଳ ଓଡିଶା ଅନିଜୀବୀ ସଂଘ ସମର୍ଥନ କରୁଛି । ରାଜ୍ୟ ସରକାର ମଧ୍ୟ ଆଇନଜୀବୀଙ୍କ ଦାବିକୁ ସମର୍ଥନ କରୁଛନ୍ତି । ଏନେଇ ହାଇକୋର୍ଟ ମୁଖ୍ୟ ବିଚାରପତି ଓ କେନ୍ଦ୍ର ସରକାରଙ୍କୁ ରାଜ୍ୟ ସରକାର ଚିଠି ମଧ୍ୟ ଲେଖିଛନ୍ତି ।

ରାଜ୍ୟର ଓକିଲ ମାନଙ୍କର ସ୍ୱାର୍ଥର ସୁରକ୍ଷାର ଦାୟିତ୍ୱ ରାଜ୍ୟ ବାର କାଉନ୍ସିଲର । 50 ହଜାର ଓକିଲ ମାନଙ୍କ ଦାଇତ୍ବ ଏବେ ବାର କାଉନ୍ସିଲ ଅଫ ଇଣ୍ଡିଆ ଠାରେ ବନ୍ଧା ପଡିଥିବା ସେ କହିଛନ୍ତି । ତେବେ ଆଗାମୀ ଦିନରେ ନିଖିଳ ଓଡିଶା ଆଇନଜୀବୀ ସଂଘ ପକ୍ଷରୁ ହାଇକୋର୍ଟ ବେଞ୍ଚ ସ୍ଥାପନ ନେଇ କେନ୍ଦ୍ର ସରକାରଙ୍କ ନିକଟରେ ଦାବି କରାଯିବ । ଏନେଇ ଗଣତାନ୍ତ୍ରିକ ଉପାୟରେ ଲଢେଇ ଜାରି ରହିବ ବୋଲି ସେ କହିଛନ୍ତି ।