ମହାପୁରୁଷଙ୍କ ପ୍ରତିମୂର୍ତ୍ତି ଆଗରେ କେନ୍ଦ୍ର ସରକାରଙ୍କ ବିଜ୍ଞାପନ ବ୍ୟାନର

ଭୁବନେଶ୍ବର: ଭୁବନେଶ୍ବରର ଗୋପବନ୍ଧୁ ଛକରେ ଥିବା ଉତ୍କଳମଣି ଗୋପବନ୍ଧୁ ଦାସଙ୍କ ପ୍ରତିମୂର୍ତ୍ତି ସାମ୍ନାରେ କେନ୍ଦ୍ର ସରକାରଙ୍କର ଏକ କାର୍ଯ୍ୟକ୍ରମର ବିଜ୍ଞାପନ ବ୍ୟାନର ଲଗାଯାଇଛି । ଯାହାକୁ ନେଇ ଉଠିବାରେ ଲାଗିଛି ବିରୋଧର ସ୍ବର । ପୂଜ୍ୟପୂଜା ସଂସ୍କୃତି ସୁରକ୍ଷା ଅଭିଯାନ ପକ୍ଷରୁ ଏଭଳି ବ୍ୟାନର ମରାକୁ ନେଇ ପ୍ରଶ୍ନ ଉଠାଯାଇଛି । କାଲିଠାରୁ ଏହି ବିଜ୍ଞାପନ ବ୍ୟାନର ହଟାଇବାକୁ ଚେତାବନୀ ଦିଆଯାଇଥିଲେ ମଧ୍ୟ ଏହାକୁ ହଟାଯାଇନଥିଲା । ଫଳରେ ପୂଜ୍ୟପୂଜା ସଂସ୍କୃତି ସୁରକ୍ଷା ଅଭିଯାନ ପକ୍ଷରୁ ଆଜି ବ୍ୟାନରକୁ ହଟାଯିବା ସହ ଆଗକୁ ଏଭଳି ନକରିବାକୁ ଚେତାବନୀ ଦେଇଛି।