ଏକର ଏକର ଗଞ୍ଜେଇ କିଆରୀ ନଷ୍ଟ କଲା ପ୍ରଶାସନ, ଆନୁମାନିକ ମୂଲ୍ୟ ହେବ ୧୯ କୋଟି ଟଙ୍କା
ବାଲିଗୁଡ଼ା: ଜୋର୍ ଧରିଲା ମିସନ୍ କ୍ଲିନ୍ ଗଞ୍ଜେଇ । ପୁଣି ନଷ୍ଟ ହେଲା ୧୯ କୋଟି ଟଙ୍କାର ବେଆଇନ୍ ଗଞ୍ଜେଇ ଗଛ । କନ୍ଧମାଳ ଜିଲ୍ଲା ବାଲିଗୁଡ଼ା ଥାନା ବୁଡ୍ରୁକିଆ ଗାଁ ପଞ୍ଚାୟତର ମାଦିନାଟ, ବାଲିସୁଗା ଓ ବୁଡ୍ରୁକିଆ ଅଞ୍ଚଳର ୧୯୦ ଏକର ଜଙ୍ଗଲ ଜମିରେ ହୋଇଥିଲା ବେଆଇନ୍ ଗଞ୍ଜେଇ ଚାଷ । ୧୯୦ ଏକର ଜମିରୁ ୧ଲକ୍ଷ ୯୦ ହଜାର ଗଞ୍ଜେଇ ଗଛ କାଟିବା ସହ ସେଥିରେ ନିଆଁ ଲଗାଇ ବିଭାଗ ପକ୍ଷରୁ ପୋଡ଼ି ନଷ୍ଟ କରାଯାଇଛି ।
ଲଗାତାର ଭାବେ ବେଆଇନ୍ ଗଞ୍ଜେଇ ଚାଷ ଅଞ୍ଚଳରେ ବାଲିଗୁଡ଼ା ପୋଲିସ୍ ଓ ଅବକାରୀ ବିଭାଗ ପକ୍ଷରୁ ଚଢ଼ାଉ ଯାରିରହିଛି । ଏହି ଅଭିଯାନ ଆଗକୁ ମଧ୍ୟ ଜାରି ରହିବ ଏବଂ ଅଞ୍ଚଳରୁ ବେଆଇନ୍ ଗଞ୍ଜେଇ ଚାଷ ସମୂଳେ ନଷ୍ଟ କରାଯିବ ବୋଲି କହିଛନ୍ତି ବାଲିଗୁଡ଼ା ଏସଡିପିଓ ମାନସ ରଞ୍ଜନ ବାରିକ୍ ।
