ଅନନ୍ୟା ପାଣ୍ଡେଙ୍କୁ ଡେଟିଂ ଖବରରେ ଏହି ଉତ୍ତର ଦେଲେ ଆଦିତ୍ୟ, ଚୁପ୍ ରହିଲେ କରଣ
ନନ୍ଦିଘୋଷ ବ୍ୟୁରୋ: କରଣ ଜୋହରଙ୍କ ଲୋକପ୍ରିୟ ଟକ୍ ସୋ କଫି ୱିଥ କରଣର ଚର୍ଚ୍ଚା ଏବେ ସବୁଠି. ବଡ ବଡ ସିନେ ଷ୍ଟାରମାନେ ପ୍ରତି ସପ୍ତାହରେ ଶୋ’ରେ ଅଂଶଗ୍ରହଣ କରୁଥିବା ଦେଖାଯାଏ । ଏହି ସପ୍ତାହରେ ଆଦିତ୍ୟ ରୟ କପୁର ଏବଂ ଅର୍ଜୁନ କପୁର ସୋ’କୁ ଆସିଛନ୍ତି। ଶୋ’ର ପ୍ରୋମୋ ରିଲିଜ ହୋଇଥିବାବେଳେ କରଣ ଜୋହର ଉଭୟଙ୍କୁ ଅନେକ ମଜାଦାର ପ୍ରଶ୍ନ ପଚାରିଥିବାର ଦେଖିବାକୁ ମିଳିଛି ।
ଡିଜନୀ ପ୍ଲସ୍ ହଟଷ୍ଟାରରେ ପ୍ରସାରିତ ଏକ ନୂଆ ଏପିସୋଡର ପ୍ରମୋରେ ଆଦିତ୍ୟ ଏବଂ ଅର୍ଜୁନ ବହୁତ ମଜା କରୁଥିବା ଦେଖିବାକୁ ମିଳୁଛି । ଏହି ସମୟରେ ସୋର ହୋଷ୍ଟ କରଣ ଜୋହର ଆଦିତ୍ୟଙ୍କୁ ଅନନ୍ୟା ପାଣ୍ଡେଙ୍କ ସହ ଜଡିତ ଏକ ମଜାଳିଆ ପ୍ରଶ୍ନ ପଚାରିଥିଲେ । ଯାହାର ଉତ୍ତର ସମସ୍ତେ ଜାଣିବାକୁ ଚାହାଁନ୍ତି। ତେବେ କରଣ ଜୋହରଙ୍କ ପ୍ରଶ୍ନ ଉପରେ ଆଦିତ୍ୟ ତାଙ୍କୁ ବୁଲାଇ ଉତ୍ତର ଦିଅନ୍ତି।
କରଣ ଜୋହର ପଚାରିଛନ୍ତି, ଗୁଜବ ହେଉଛି ଯେ ତୁମେ ଅନନ୍ୟା ପାଣ୍ଡେଙ୍କୁ ଡେଟ କରୁଛ? ଏହାର ଉତ୍ତର ରଖିବାକୁ ଯାଇ ଆଦିତ୍ୟ ରୟ କପୁର କୁହନ୍ତି, “ଯଦି ତୁମେ ମୋତେ କୌଣସି ସିକ୍ରେଟ ପଚାରିବ ନାହିଁ, ମୁଁ ମଧ୍ୟ ତୁମକୁ ମିଛ କହିବି ନାହିଁ।” ଏହାର ଅର୍ଥ ହେଉଛି ଆଦିତ୍ୟ ଡେଟିଂ ଖବରକୁ ହଁ କହି ନାହାଁନ୍ତି, କିନ୍ତୁ ସେ ତାଙ୍କ ଉତ୍ତରରେ ସ୍ପଷ୍ଟ କରିଛନ୍ତି ଯେ ସେ କୌଣସି ସିକ୍ରେଟର ଉତ୍ତର ଦେବାକୁ ଚାହୁଁନାହାଁନ୍ତି।
