ସେପ୍ଟେମ୍ବର ୨ ସକାଳ ୧୧ଟା ୫୦ରେ ଉତକ୍ଷେପଣ ହେବ ଆଦିତ୍ୟ L-1, ଟ୍ୱିଟ୍ କରି ସୂଚନା ଦେଲା ଇସ୍ରୋ
1 min read
ନୂଆଦିଲ୍ଲୀ: ସୂର୍ଯ୍ୟ ମିଶନ ଲାଗି ବଢିଲା ତତ୍ପରତା । ଆସନ୍ତା ସେପ୍ଟେମ୍ବର ୨ ତାରିଖ ସକାଳ ୧୧ଟା ୫୦ରେ ଆଦିତ୍ୟ ଏଲ-୧ର ହେବ ଉତକ୍ଷେପଣ । ଏନେଇ ଘୋଷଣା କରିଛି ଇସ୍ରୋ । ଶ୍ରୀହରିକୋଟା ସତୀଶ ଧାଓ୍ବନ ସ୍ପେସ ସେଣ୍ଟରରୁ ଲଞ୍ଚ ହେବ ସ୍ପେସକ୍ରାଫ୍ଟ । ଇସ୍ରୋ ଏହି ମିଶନର ଲଞ୍ଚକୁ ଦେଖିବା ପାଇଁ ସାଧାରଣ ଲୋକଙ୍କୁ ମଧ୍ୟ ନିମନ୍ତ୍ରଣ କରିଛି । ଶ୍ରୀହରିକୋଟା ସ୍ଥିତ ଲଞ୍ଚ୍ ଭ୍ୟୁ ଗ୍ୟାଲେରିରୁ ଏହାର ଉତକ୍ଷେପଣ ଦେଖାଯାଇପାରିବ । ଏଥିପାଇଁ ଲୋକଙ୍କୁ ୱେବସାଇଟ୍ ଜରିଆରେ ରେଜିଷ୍ଟ୍ରେସନ କରିବାକୁ ପଡ଼ିବ ।
ଇସ୍ରୋ ସୋସିଆଲ ମିଡିଆ ପ୍ଲାଟଫର୍ମ ଏକ୍ସ ରେ ୱେବସାଇଟର ଲିଙ୍କ ମଧ୍ୟ ଛାଡ଼ିଛି । କେଉଁଦିନଠୁ ରେଜିଷ୍ଟେସନ କରାଯିବ ସେନେଇ ଘୋଷଣା କରାଯିବ ବୋଲି ଇସ୍ରୋ ସୂଚନା ଦେଇଛି । ଚନ୍ଦ୍ର ମିଶନ ପରେ ସୂର୍ଯ୍ୟ ମିଶନ ଲାଗି ସାରା ଦେଶବାସୀଙ୍କ ଏବେ ରହିଛି ପ୍ରତୀକ୍ଷା । ଇସ୍ରୋର ପ୍ରଥମ ମହାକାଶଭିତ୍ତିକ ସୋଲାର ଅଭଜର୍ଭଟୋରୀ ଆଦିତ୍ୟ ଏଲ୧ର ସଫଳତା ଉପରେ ରହିଛି ନଜର । ସୂର୍ଯର ଗବେଷଣା କ୍ଷେତ୍ରରେ ଇସ୍ରୋର ସନ୍ ମିଶନ ପ୍ରଥମ । ସୂର୍ଯ୍ୟ ଓ ପୃଥିବୀ ଅନ୍ତର୍ଗତ ଲାଗରେଞ୍ଜ ପଏଣ୍ଟ ୧ରେ ଏକ କକ୍ଷ ପଥରେ ସ୍ପେସକ୍ରାଫ୍ଟକୁ ମୁତୟନ କରାଯିବ ।
