ବିଦ୍ୟାଶ୍ରୀଙ୍କୁ ୫ ଘଣ୍ଟାର ଜେରା ପରେ ଲାଏ ଡିଟେକ୍ସନ ଟେଷ୍ଟର ସମ୍ମୁଖିନ ହେବେ ଆଦିତ୍ୟଙ୍କ ୩ ସହଯୋଗୀ
ଭୁବନେଶ୍ୱର: ଅଧିକରୁ ଅଧିକ ଜଟିଳ ହେବାରେ ଲାଗିଛି ଆଦିତ୍ୟ ଦାଶ ମୃତ୍ୟୁ ମାମଲା । ବୁଢ଼ିଆଣି ଜାଲ ଭଳି ଚନ୍ଧି ହୋଇଛି ଆଦିତ୍ୟ ଦାଶଙ୍କ ମୃତ୍ୟୁ ରହସ୍ୟ । ତେବେ ସମାଜସେବୀ ଆଦିତ୍ୟ ଦାଶ ମୃତ୍ୟୁ ମାମଲାରେ ତଦନ୍ତ ଜୋରଦାର କରିଛି କ୍ରାଇମବ୍ରାଞ୍ଚ । ଗତକାଲି ଆଦିତ୍ୟଙ୍କ ପତ୍ନୀଙ୍କ ଲାଏ ଡିଟେକ୍ସନ ଟେଷ୍ଟ କରାଯାଇଥିଲା । ଏହା ପରେ ଆଜି ୩ ଜଣଙ୍କ ଲାଏ ଡିଟେକ୍ସନ ଟେଷ୍ଟ କରୁଛି କ୍ରାଇମବ୍ରାଞ୍ଚ । ପିପୁଲ ଫର ସେବାର ସଦସ୍ୟ ପପୁ, ବିକାଶ, ଦୀପକଙ୍କର ଟେଷ୍ଟ କରାଯାଉଛି । ଲାଏ ଡିଟେକ୍ସନ ଟେଷ୍ଟର ଆଜି ହେଉଛି ଦ୍ୱିତୀୟ ଦିନ ।
ଆଦିତ୍ୟଙ୍କ ୩ ଜଣ ସାଙ୍ଗଙ୍କ ପ୍ରଶ୍ନ କରିବା ପାଇଁ ସ୍ୱତନ୍ତ୍ର ଭାବେ ପ୍ରଶ୍ନ ପ୍ରସ୍ତୁତ କରାଯାଇଛି । ୩ ଜଣଙ୍କୁ ଗୋଟିଏ ପରେ ଗୋଟଏ ପ୍ରଶ୍ନ ପଚାରିବ ସ୍ପେଶାଲ ଟିମ୍ । ସତ ମିଛର ପରୀକ୍ଷା ଆଜି କରାଯିବ । ଫୋରେନସିକ୍ ଟିମ୍ ତାର ଏକ୍ସପର୍ଟ ଏବଂ ଆଇଓ ରହିଛନ୍ତି । ସେପଟେ ଗତକାଲି ବିଦ୍ୟାଶ୍ରୀଙ୍କୁ ୫ଘଣ୍ଟାର ଜେରା ବେଳେ ୫୦ ପ୍ରଶ୍ନ ପଚାରିଥିଲା କ୍ରାଇମବ୍ରାଞ୍ଚ । ବୟାନରେ ତାଳମେଳ ନରହିବାରୁ ପତ୍ନୀ ବିଦ୍ୟାଶ୍ରୀଙ୍କ ଲାଏ ଡିଟେକ୍ସନ ଟେଷ୍ଟ କରିଥିଲା କ୍ରାଇମବ୍ରାଞ୍ଚ । ରାଜ୍ୟ ଫୋରେନସିକ୍ ଲ୍ୟାବ୍ରେ ୫ଦିଗକୁ ନେଇ ଗୁଡ଼େଇତୁଡ଼େଇ ପ୍ରଶ୍ନ ପଚାରିଥିଲା ସ୍ପେଶାଲ୍ ଇନଭେଷ୍ଟିଗେନ୍ ଟିମ୍ ।
