ଆଦିତ୍ୟ ଦାସଙ୍କ ବାନ୍ଧବୀ ଚିନ୍ମୟୀଙ୍କୁ ଜେରା କଲା କ୍ରାଇମବ୍ରାଞ୍ଚ୍
ଭୁବନେଶ୍ୱର: ସମାଜସେବୀ ଆଦିତ୍ୟଦାସଙ୍କ ମୃତ୍ୟୁ ମାମଲାରେ ତାଙ୍କ ବାନ୍ଧବୀ ଚିନ୍ମୟୀ ମହାପାତ୍ରଙ୍କୁ କ୍ରାଇମବ୍ରାଞ୍ଚ ଜେରା କରିଛି । ଜେରାରେ ତାଙ୍କର ଆଦିତ୍ୟଙ୍କ ସହ ସମ୍ପର୍କକୁ ନେଇ ଭିନ୍ନ ଭିନ୍ନ ପ୍ରଶ୍ନ ପଚରା ଯାଇଥିଲା । ସମ୍ପୂର୍ଣ୍ଣ ପ୍ରକ୍ରିୟାରେ ଚିନ୍ମୟୀଙ୍କର ଭୂମିକା କିଭଳି ରହିଛି ସେ ନେଇ ତାଙ୍କୁ ଉତ୍ତର ମଗାଯାଇଥିଲା ।
ଅନ୍ୟପକ୍ଷରେ ଚିନ୍ମୟୀଙ୍କ ଓକିଲ ଗଣମାଧ୍ୟମକୁ ଘଟଣା ସମ୍ପର୍କରେ ପ୍ରତିକ୍ରିୟା ଦେଇଛନ୍ତି । ସେ କହିଛନ୍ତି ଯେ ଚିନ୍ମୟୀଙ୍କ ବୟସ ମାତ୍ର ୨୧ ବର୍ଷ । ସେ ସାଇକୋ ନୁହନ୍ତି । ଅଯଥା ତାଙ୍କୁ ସାଇକୋ ସଜାଇବାର ଅପଚେଷ୍ଟା ନକରାଯାଉ । ସେହିଭଳି ଚିନ୍ମୟୀ ଜେରା ସରିବା ପରେ ତାଙ୍କ ଓକିଲ ଚିନ୍ମୟୀଙ୍କ ପକ୍ଷ ସ୍ପଷ୍ଟ କରିଛି ।
ଓକିଲ କହିଛନ୍ତି ଯେ ଚିନ୍ମୟୀଙ୍କ ଷ୍ଟେଟମେଣ୍ଟ୍ ରେକର୍ଡ କରିବା ପାଇଁ କ୍ରାଇମବ୍ରାଞ୍ଚ ନିର୍ଦ୍ଦେଶ ମିଳିବା ପରେ ଚିନ୍ମୟୀ ପହଞ୍ଚିଥିଲେ । ଚିନ୍ମୟୀ ମହାପାତ୍ର କେବେ ଆଦିତ୍ୟଙ୍କ ସହ ସମ୍ପର୍କକୁ ଆସିଲେ, ପରିବାର ସହ ମିଳାମିଶା କେମିତି ଥିଲା ଓ କେବେ ଦୁହିଁଙ୍କ ସମ୍ପର୍କ ସମ୍ପୂର୍ଣ୍ଣ ଭାବେ ବନ୍ଦ ହେଲା ସେ ନେଇ କ୍ରାଇମବ୍ରାଞ୍ଚ ପ୍ରଶ୍ନ କରିଥିଲା । କ୍ରାଇମବ୍ରାଞ୍ଚ ଚିନ୍ମୟୀଙ୍କ ଉତ୍ତରରେ ସନ୍ତୁଷ୍ଟ ଥିବା କଥା ତାଙ୍କ ଓକିଲ କହିଛନ୍ତି ।ସେହିଭଳି ଚିନ୍ମୟୀଙ୍କ ଓକିଲ ଏକଥା ମଧ୍ୟ ପ୍ରକାଶ କରିଛନ୍ତି ଯେ, ଚିନ୍ମୟୀଙ୍କ ତରଫରୁ ସୋତପ୍ରୋତ ଭାବେ ସମସ୍ତ ତଥ୍ୟ କ୍ରାଇମବ୍ରାଞ୍ଚକୁ ହସ୍ତାନ୍ତର କରିଛନ୍ତି । କ୍ରାଇମବ୍ରାଞ୍ଚ ତଥ୍ୟ ଆଧାରରେ ଆଗାମୀ ତଦନ୍ତ ଜାରି ରଖିବ ବୋଲି ସଲେ ସ୍ପଷ୍ଟ କରିଛନ୍ତି ।
