ନିଶାଖୋର ଥିଲେ, ଫାଶୀ ଲଗାଇ ଝୁଲିଗଲେ

ଭୁବନେଶ୍ବର: ନିଶାଖୋର ଥିଲେ । ଚରମ ନିଷ୍ପତ୍ତି ନେଇଗଲେ । ଭୀମଟାଙ୍ଗି ହାଉସିଂବୋର୍ଡ କଲୋନୀରେ ଅଘଟଣା । ଫାଶୀ ଲଗାଇ ଅଶୋକ ପ୍ରଧାନ କଲେ ଆତ୍ମହତ୍ୟା । ଘରୁ ଝୁଲନ୍ତା ଅବସ୍ଥାରେ ଉଦ୍ଧାର ହେଲା ମୃତଦେହ ।

ଅଭିଯୋଗ ଅନୁସାରେ, ଅଶୋକ ଜଣେ ନିଶାଖୋର ଯୁବକ ଥିଲେ  l ୨୦୧୧ ମସିହାରୁ ନିଶା ଖାଇ  ଆସୁଥିଲେ । ଏକ ଘରୋଇ କମ୍ପାନୀରେ ଚାକିରି କରୁଥିବା ସମୟରେ ନିଶା କବଳରେ ଆସିଥିଲେ ଅଶୋକ । ନିଶା ଅଭ୍ୟାସ ପାଇଁ ପରିବାର ଲୋକେ ତାଙ୍କୁ ନିଶା ନିବାରଣ କେନ୍ଦ୍ରରେ ଛାଡ଼ିଥିଲେ ।

ଘରକୁ ଫେରିବା ପରେ ସେ ପୂର୍ବ ପରି ନିଶା ସେବନ କରିବା ଆରମ୍ଭ କରିଥିଲେ । କିଛିଦିନ ହେବ ପରିବାର ଲୋକେ ବାରମ୍ବାର ଏଥିରୁ ଦୂରେଇ ରହିବାକୁ ବାରଣ କରିଆସୁଥିଲେ । ହେଲେ ଗତକାଲି ରାତି ପ୍ରାୟ ୧୦ଟାରେ ବାହାରୁ ନିଶା ଖାଇ ଆସି ଶୋଇଥିଲେ । ଆଜି ସକାଳୁ ନିଜ ରୁମରୁ ତାଙ୍କ ମୃତଦେହ ଝୁଲନ୍ତା ଅବସ୍ଥାରେ ଉଦ୍ଦାର କରାଯାଇଥିଲା ।

ଖବର ପାଇ ଏୟାରଫିଲଡ ଥାନା ପୋଲିସ ପହଁଚି ମୃତ ଶରୀରକୁ ଉଦ୍ଧାର କରି  ବ୍ୟବଛେଦ ପାଇଁ କ୍ୟାପିଟାଲ ହସ୍ପିଟାଲ ପଠେଇବା ସହ ତଦନ୍ତ ଆଣମ୍ଭ କରିଛି ।