ବାହାରିଲା ଆଡ଼ପ ଅବଢ଼ା… ଶ୍ରଦ୍ଧାଳୁଙ୍କୁ ମହାପ୍ରସାଦ ଯୋଗାଇବାକୁ ସ୍ୱତନ୍ତ୍ର ବ୍ୟବସ୍ଥା
Adapa abadha available for devotees
ପୁରୀ: ଜନ୍ମ ବେଦୀରେ ମହାପ୍ରଭୁ। ଆଡପମଣ୍ଡପରେ ଚାଲିଛି ଚତୁର୍ଦ୍ଧା ମୂରତିଙ୍କ ନୀତିକାନ୍ତି। ଆଡପମଣ୍ଡପରୁ ବାହାରିଲା ଆଡପ ଅବଢ଼ା। ଶ୍ରଦ୍ଧାଳୁଙ୍କୁ ଆଡପ ଅବଢ଼ା ଯୋଗାଇବା ପାଇଁ ପ୍ରଶାସନ ପକ୍ଷରୁ ବ୍ୟବସ୍ଥା କରାଯାଇଛି। ସୁଆର ଓ ମହାସୁଆର ପ୍ରସାଦ ଯୋଗାଇ ଦେଉଛନ୍ତି। ଏଥିପାଇଁ ବସଷ୍ଟାଣ୍ଡରେ ବ୍ୟବସ୍ଥା ହୋଇଛି।
ସେଠାରେ ଖାଇବା ବ୍ୟବସ୍ଥା ନଥିବାରୁ ଶ୍ରଦ୍ଧାଳୁ ପାର୍ସଲରେ ଅବଢ଼ା ନେଇପାରିବେ ବୋଲି ଉପଜିଲ୍ଲାପାଳ ସୂଚନା ଦେଇଛନ୍ତି। ଗତକାଲି ଶରଧାବାଲିରୁ ଗୋଟିପହଣ୍ଡିରେ ଯାଇ ଆଡପମଣ୍ଡପ ବିଜେ କରିଥିଲେ ଶ୍ରୀଜିଉ ।
ପ୍ରଥମେ ବଳଭଦ୍ର ଗୋଟି ପହଣ୍ଡିରେ ଜନ୍ମବେଦୀକୁ ବିଜେ କରିଥିଲେ । ପରେ ଦେବୀ ସୁଭଦ୍ରାଙ୍କୁ ପହଣ୍ଡି କରି ନେଇଥିଲେ ସେବାୟତ । ଶେଷରେ କାଳିଆ ସାଆନ୍ତଙ୍କ ପହଣ୍ଡି ଅନୁଷ୍ଠିତ ହୋଇଥିଲା । ଆଡ଼ପ ମଣ୍ଡପ ବିଜେ ପରେ ମହାପ୍ରଭୁଙ୍କୁ ରୁନ୍ଧା ଯାଇ ବଡ଼ ସିଂହାର ବେଶ କରାଯାଇଥିଲା।
