ମହିଳା କମିଶନରଙ୍କୁ ଫେରାଦ ହେଲେ ବର୍ଷା ପ୍ରିୟଦର୍ଶିନୀ

ଭୁବନେଶ୍ୱର: ନୂଆ ମୋଡ଼ ନେଲାଣି କି ବର୍ଷା-ଅନୁଭବ ବିବାଦ ? ଓଲିଉଡ୍ ଅଭିନେତ୍ରୀ ବର୍ଷା ପ୍ରିୟଦର୍ଶିନୀ ଆଜି ମହିଳା କମିଶନରଙ୍କ ନିକଟରେ ଫେରାଦ ହେବା ପରେ ଏମିତି ସନ୍ଦେହ ସୃଷ୍ଟି ରହିଛି । ଗତ କିଛିମାସ ହେଲା ଲାଗି ରହିଥିବା ପାରିବାରିକ କଳହକୁ ନେଇ ବର୍ଷା ମହିଳା କମିଶନରଙ୍କ ଦ୍ୱାରସ୍ଥ ହୋଇଥିବା ସନ୍ଦେହ କରାଯାଉଛି ।

ତେବେ, ଅଭିନେତ୍ରୀ ବର୍ଷା ପ୍ରକୃତରେ କେଉଁ କାରଣରୁ ମହିଳା କମିଶନଙ୍କ ଦ୍ବାରସ୍ଥ ହୋଇଛନ୍ତି ସେନେଇ କୌଣସି ସଠିକ୍ ସୂଚନା ମିଳିପାରିନାହିଁ । ସେ ମହିଳା କମିଶନ ଅଧ୍ୟକ୍ଷା ମିନତୀ ବେହେରାଙ୍କୁ ଭେଟି ଅଭିଯୋଗ କରିଥିବା ଜଣାପଡ଼ିଛି । ପୂର୍ବରୁ ବିବାହ ବିଚ୍ଛେଦ ନେଇ କୋର୍ଟରେ ମାମଲା ଚାଲିଛି ।

ଦିନକ ତଳେ ଅନୁଭବଙ୍କ ବାନ୍ଧବୀ କୁହାଯାଉଥିବା ଜାଗ୍ରତି ଶୁକ୍ଲା ଫେସବୁକ୍ ପୋଷ୍ଟ ମାଧ୍ୟମରେ ମୁହଁ ଖୋଲିଥିଲେ । ବର୍ଷା-ଅନୁଭବ ପତିପତ୍ନୀ ପାରିବାରିକ ବିବାଦକୁ ତାଙ୍କୁ ଅଯଥା ଟଣା ଯାଉଥିବା ନେଇ ଜାଗ୍ରତି ଅଭିଯୋଗ କରିଥିଲେ । ଏସବୁ ପାଇଁ ଜାଗ୍ରତି ଶୁକ୍ଲା ଅଭିନେତ୍ରୀ ବର୍ଷା ପ୍ରିୟଦର୍ଶିନୀଙ୍କୁ ଦାୟୀ କରିବା ସହ ଆଇନର ଆଶ୍ରୟ ନେବେ ବୋଲି କହିଥିଲେ ।

ଏଥିସହ ପଢ଼ନ୍ତୁ- ଅନୁଭବଙ୍କ ସହ ସମ୍ପର୍କକୁ ନେଇ ମୁହଁ ଖୋଲିଲେ ସାମ୍ବାଦିକା ଜାଗ୍ରତି ଶୁକ୍ଲା