ଜନତା କର୍ଫ୍ୟୁ ସମର୍ଥନରେ ଭିଡିଓ ପୋଷ୍ଟ କଲେ ଶ୍ରେୟା ସରଣ

ମୁମ୍ବାଇ: ଦେଶରେ କରୋନା ଭୟ । ଆସନ୍ତାକାଲି ରବିବାର ସମସ୍ତେ ପାଳିବେ ଜନତା କର୍ଫ୍ୟୁ । ମୋଦିଙ୍କ ଏହି ଆହ୍ୱାନକୁ ସମର୍ଥନ ଜଣାଇଛନ୍ତି ଅଭିନେତ୍ରୀ ଶ୍ରେୟା ସରଣ । ବର୍ତ୍ତମାନ ବାର୍ସେଲୋନାରେ ରହୁଥିବା ଅଭିନେତ୍ରୀ ଶ୍ରେୟା ସରଣ ଜନତା କର୍ଫ୍ୟୁ ପାଳନକୁ ସ୍ୱାଗତ କରିଛନ୍ତି । ମାର୍ଚ୍ଚ ୨୨ ସକାଳ ୭ଟାରୁ ରାତି ୯ଟା ପର୍ଯ୍ୟନ୍ତ କେହି ଘର ନବାହାରିବାକୁ ସେ ଅନୁରୋଧ କରିଛନ୍ତି । ବାର୍ସେଲୋନାରେ ୧୦ ଦିନ ରହଣୀ ଭିତରେ ସେ କରୋନାର ଭୟବହତାକୁ ଅନୁଭବ କରିଛନ୍ତି । ସମସ୍ତେ ଘରେ ରହିବାକୁ ସେ ନିବେଦନ କରିଛନ୍ତି ।

https://www.facebook.com/ShriyaSaran/videos/192493868867522/

ଘରେ ରହି ନାଚ, ଗୀତ କରିବାକୁ ସେ ମେସେଜ୍ ଦେବା ସହ ନିଜ ଫେସବୁକ୍ ଆକାଉଣ୍ଟରେ ନିଜର ଏକ ଡ୍ୟାନ୍ସ ଭିଡିଓ ପୋଷ୍ଟ କରିଛନ୍ତି । ଯେଉଁଥିରେ ସେ ଘରେ ରହି ନିଜ ସହ ଅନ୍ୟମାନଙ୍କୁ ସଂକ୍ରମଣରୁ ରକ୍ଷା କରିବା ପାଇଁ ମେସେଜ୍ ଦେଇଛନ୍ତି । ବିଶେଷକରି ଛୋଟ ଛୁଆଙ୍କ ପ୍ରତି ଧ୍ୟାନ ଦେବାକୁ ନିବେଦନ କରିଛନ୍ତି ଶ୍ରେୟା ।