ଭୁବନେଶ୍ୱର ଓ କଟକର ୧୪୦ ସିନେମା ହଲ୍ କର୍ମଚାରୀଙ୍କ ପରିବାର ପାଇଁ ରାସନ୍ ସାମଗ୍ରୀ ପ୍ରଦାନ କଲେ ସବ୍ୟାର୍ଚ୍ଚିତ

1 min read

ଭୁବନେଶ୍ୱର: ପ୍ରବାସୀ ଶ୍ରମିକଙ୍କ ପରେ ଏବେ ସିନେମା ଶିଳ୍ପ ସହ ଜଡ଼ିତ କର୍ମଚାରୀଙ୍କୁ ସାହା ହୋଇଛନ୍ତି ସବ୍ୟସାଚୀ । କରୋନା କଟକଣା ଯୋଗୁଁ ଚଳଚ୍ଚିତ୍ର ଏବଂ ଏଥିସହିତ ଜଡ଼ିତ ଅନ୍ୟାନ୍ୟ ଶିଳ୍ପ ଅଧିକ ପ୍ରଭାବିତ ହୋଇଛି । ପ୍ରେକ୍ଷାଳୟରେ କାର୍ଯ୍ୟ କରୁଥିବା କର୍ମଚାରୀମାନେ ହାତ ବାନ୍ଧି ଘରେ ବସି ରହିଛନ୍ତି । ସିନେମା ହଲ୍ କର୍ତ୍ତୃପକ୍ଷ କର୍ମଚାରୀରୀଙ୍କ ପରିବାର ଚଳେଇବାପାଇଁ ଯଥାସମ୍ଭବ ସାହାଯ୍ୟ କଲେ ମଧ୍ୟ କରୋନାର କଡ଼ ଲେଉଟାଣି ସେମାନଙ୍କୁ ମଧ୍ୟ ଅସ୍ତବ୍ୟସ୍ତ କରିପକାଇଛି । ଏଭଳି ସମୟରେ ପ୍ରେକ୍ଷାଳୟ କର୍ମଚାରୀଙ୍କୁ ସାହା ହୋଇଛନ୍ତି ସବ୍ୟାର୍ଚ୍ଚିତ । ଅର୍ଥାତ ଓଲିଉଡ୍ ଅଭିନେତା ସବ୍ୟସାଚୀ ଏବଂ ଅର୍ଚ୍ଚିତା ।

ସେମାନେ କଟକର ସମସ୍ତ ସିନେମା ହଲର କର୍ମଚାରୀଙ୍କ ପାଇଁ ମାସିକ ରାସନ୍ ଧରି ହଲ୍‌ରେ ପହଞ୍ଚିଥିଲେ । ଭୁବନେଶ୍ୱରର କେଶରୀ ହଲ୍ ଠାରେ ଶ୍ରୀୟା, ସ୍ଵାତି, ସ୍ତୁତି, ମହାରାଜା ଓ କେଶରୀର କର୍ମଚରୀ ଏବଂ କଟକର ବୃନ୍ଦାବନ ଟକିଜ୍‌ଠାରେ ସମ୍ରାଟ, ଗ୍ରାଣ୍ଡ, ସଙ୍ଗମ ଓ ବୃନ୍ଦାବନର କର୍ମଚାରୀ ଏକାଠି ହୋଇ ରାସନ୍ ଗ୍ରହଣ କରିଥିଲେ । ସମସ୍ତ ହଲ୍ କର୍ତ୍ତୃପକ୍ଷ ସବ୍ୟସାଚୀ ଓ ଅର୍ଚ୍ଚିତାଙ୍କୁ ସାଧୁବାଦ ଜଣେଇଛନ୍ତି। ଏହି ଅବସରରେ ଭରତଚନ୍ଦ୍ର ଭଞ୍ଜଦେଓ, ନମିତା କାନୁନଗୋ, ପ୍ରବୀଣ ଅଗରୱାଲ୍, ଡକ୍ଟର ଅମ୍ରିତ୍ ପାଟଯୋଶୀ, ଜିତୁ ଖଣ୍ଡଲୱାଲ୍ , କିଶୋର ୱାଡ଼ର୍ ଓ ସ୍ମାଇଲ ପ୍ଲିଜ୍ ର ସ୍ୱେଚ୍ଛାସେବୀ ମାନେ ଉପସ୍ଥିତ ଥିଲେ ।

ଏଥିସହିତ ପଢ଼ନ୍ତୁ: ରାଜ୍ୟରେ ପୁଣି ଆରମ୍ଭ ହେବ ଡିଏଲ୍‌ ଟେଷ୍ଟିଂ: ପରିବହନ ବିଭାଗ ପକ୍ଷରୁ ବିଜ୍ଞପ୍ତି ଜାରି

 

Opn Commnet Area

Leave a Reply

Your email address will not be published. Required fields are marked *

Close Bitnami banner