ବଲିଉଡର ଭେଟେରାନ ଆକ୍ଟର ଅରୁଣ ବାଲିଙ୍କ ବିୟୋଗ, ୭୯ ବର୍ଷ ବୟସରେ ଦେହାନ୍ତ

ମୁମ୍ବାଇ: ବଲିଉଡର ଭେଟେରାନ କଳାକାର ଅରୁଣ ବାଲିଙ୍କ ବିୟୋଗ । ମୁମ୍ବାଇରେ ବୋର ୪ଟା ୩୦ରେ ତାଙ୍କର ପରଲୋକ ହୋଇଛି । ୭୯ ବର୍ଷ ବୟସରେ ତାଙ୍କର ଦେହାନ୍ତ ହୋଇଛି । ଦୀର୍ଘଦିନ ଧରି ଅସୁସ୍ଥ ଥିଲେ ଅରୁଣ ବାଲି । ୧୯୪୨ରେ ଜନ୍ମଗ୍ରହଣ କରିଥିବା ଏହି କଳାକାର ଜଣଙ୍କ ଅନେକ ଟିଭି ସିରିଏଲରେ ନିଜର ନିଖୁଣ ଅଭିନୟର ଛାପ ଛାଡ଼ିଛନ୍ତି । ୫୦ରୁ ଅଧିକ ଫିଲ୍ମରେ ସେ ଅଭିନୟ କରିଥିବା ବେଳେ ୨୦ରୁ ଅଧିକ ଟିଭି ସିରିଏଲରେ ସେ ଆସିଥିଲେ ନଜର ।

ରାଜୁ ବନଗୟା ଜେଣ୍ଟଲମ୍ୟାନ, ଖଲନାୟକ, ଫୁଲ୍ ଔର ଅଙ୍ଗାରେ, ଓମ୍ ଜୟ ଜଗଦ୍ଦିଶ, ଲଗେ ରହୋ ମୁନ୍ନା ଭାଇ, ଥ୍ରୀ ଇଡିଅଟ୍ସ, ରେଡ୍ଡୀ, ବର୍ଫି, ଓ ମାଇଁ ଗଡ୍‌ ଭଳି ଅନେକ ଫିଲ୍ମରେ ତାଙ୍କ ଅଭିନୟର ଯାଦୁ ଦେଖିବାକୁ ମିଳିଛି । ଆଜି ତାଙ୍କ ବିୟୋଗରେ ପୁରା ଫିଲ୍ମ ଇଣ୍ଡଷ୍ଟ୍ରୀରେ ଶୋକର ଛାୟା ଖେଳିଯାଇଛି ।