ମୁଖ୍ୟମନ୍ତ୍ରୀଙ୍କୁ ଭେଟିଲେ ବଲିଉଡ ଅଭିନେତା ଅର୍ଜୁନ ରାମପାଲ

ଭୁବନେଶ୍ୱର: ବଲିଉଡ଼ ଅଭିନେତା ଅର୍ଜୁନ ରାମମ୍ପାଲ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ନବୀନ ନିବାସରେ ସାକ୍ଷାତ କରିଛନ୍ତି  । ଓଡ଼ିଶା ଗସ୍ତରେ ଥିବା ଅଭିନେତା ଅର୍ଜୁନ ମୁଖ୍ୟମନ୍ତ୍ରୀଙ୍କୁ ଭେଟି କିଛି ପ୍ରସଙ୍ଗରେ ଆଲୋଚନା କରିଥିଲେ  । ଓଡ଼ିଶା ଓମେନ୍ସ ମେଳା ୨୦୨୨ ଭୁବନେଶ୍ୱର ଜନତା ମଇଦାନରେ ଚାଲିଥିବାବେଳେ ଏଥିରେ ଯୋଗଦେବାକୁ ଓଡ଼ିଶା ଗସ୍ତ କରିଥିଲେ ଅର୍ଜୁନ ରାମପାଲ  । ମୁଖ୍ୟମନ୍ତ୍ରୀଙ୍କୁ ଭେଟିବା ସହ ଓଡ଼ିଶାର ସୁନ୍ଦରତାରେ ବିଭୋର ହୋଇଥିବା ପ୍ରକାଶ କରିଥିଲେ  ।

ଅର୍ଜୁନ କହିଥିଲେ ଓଡିଶାର ସୁନ୍ଦର ପରିବେଶ, ପ୍ରାକୃତିକ ସୌନ୍ଦର୍ଯ୍ୟ, ଐତିହ୍ୟ କିର୍ତ୍ତୀରାଜି ଅଧ୍ୟୟନ କରିବାକୁ ଆକୃଷ୍ଟ କରୁଛି  । ଓଡିଶାକୁ ପ୍ରଥମ ଥର ପାଇଁ ଆସିଥିବାବେଳେ ଏହିଠାରେ ହିଁ ସର୍ବଦା ରହିଯିବାକୁ ଇଛା ହେଉଥିବା ପ୍ରକାଶ କରିଥିଲେ ଅର୍ଜୁନ ରାମପାଲ  । ତେବେ ଅର୍ଜୁନଙ୍କ ସହ ଓଡିଶାର ମହିଳା ଉଦ୍ୟୋଗୀ ସୁକୃତି ପଟ୍ଟନାୟକ ମଧ୍ୟ ମୁଖ୍ୟମନ୍ତ୍ରୀଙ୍କୁ ଭେଟିଛନ୍ତି  ।