ମୁମ୍ବାଇ: ଗୁରୁବାର ମୁମ୍ବାଇ କ୍ରୁଜ୍ ଡ୍ରଗ୍ସ ପାର୍ଟି ମାମଲାରେ ଏକ ନୂଆ ମୋଡ଼ ଆସିଛି । ଏନସିବି ଟିମ୍ ନିଜ କାର୍ଯ୍ୟାନୁଷ୍ଠାନ ଜୋରସୋରରେ ଆଗେଇଛି । ଅଧିକାରୀମାନେ ଆର୍ୟନ ଖାନଙ୍କ ଘରକୁ ଆଇନଗତ ନୋଟିସ ଦେବାକୁ ସେଠାକୁ ଯାଇଥିଲେ । ଏହି ସମୟରେ ଏନସିବି ଦଳ ବଲିଉଡ ଅଭିନେତ୍ରୀ ଅନନ୍ୟା ପାଣ୍ଡେଙ୍କ ଘରକୁ ମଧ୍ୟ ଯାଇଥିଲେ । ଅନନ୍ୟାଙ୍କୁ ସମନ ଦେଇ ପଚରାଉଚରା ପାଇଁ ଡାକିଛି ଏନସିବି ।
ଏନସିବି ଅଫିସରେ ଅନନ୍ୟା ପାଣ୍ଡେ
ଏନସିବି ଦ୍ୱାରା ଡକାଯିବା ପରେ ଅନନ୍ୟା ପାଣ୍ଡେ ଏନସିବି କାର୍ଯ୍ୟାଳୟରେ ପହଞ୍ଚିଛନ୍ତି । ତାଙ୍କ ପିତା ଚଙ୍କି ପାଣ୍ଡେ ମଧ୍ୟ ଅନନ୍ୟାଙ୍କ ସହ ଉପସ୍ଥିତ ଅଛନ୍ତି । ଏନସିବି ଅନନ୍ୟାଙ୍କୁ ଆର୍ଯ୍ୟନ ଖାନଙ୍କ ସହ ଡ୍ରଗ୍ ଚାଟ୍ ବିଷୟରେ ପ୍ରଶ୍ନ କରିବ । ଏନସିବି ଅନନ୍ୟା ପାଣ୍ଡେଙ୍କୁ ଦିନ ୩.୩୦ ରେ ଏଜେନ୍ସି କାର୍ଯ୍ୟାଳୟରେ ପହଞ୍ଚିବାକୁ ନିର୍ଦ୍ଦେଶ ଦେଇଥିଲା ।
ସେପଟେ ବଲିଉଡ ଅଭିନେତା ଶାହାରୁଖ ଖାନଙ୍କ ପୁଅ ଆର୍ଯ୍ୟନ୍ ଖାନ୍ ଡ୍ରଗ୍ସ ମାମଲାରେ ଗତ କିଛି ଦିନ ହେବ ଜେଲରେ ଅଛନ୍ତି। ତାଙ୍କୁ ଚଳିତ ମାସ ୩ ତାରିଖରେ ଏକ ରେଭ୍ ପାର୍ଟିରେ ଡ୍ରଗ୍ଦ ନେବା ମାମଲାରେ ଗିରଫ କରାଯାଇଛି। ନାର୍କୋଟିକ୍ କନଟ୍ରୋଲ ବ୍ୟୁରୋ( ଏନସିବି) ରେଡ୍ ସମୟରେ ଏହି ରେଭ୍ ପାର୍ଟିରୁ ଆର୍ଯ୍ୟନକୁ ଗିରଫ କରାଯାଇଥିଲା। ଏପର୍ଯ୍ୟନ୍ତ ଆର୍ଯ୍ୟନଙ୍କ ଜାମିନକୁ ନେଇ କୌଣସି ନିଷ୍ପତ୍ତି ହୋଇପାରିନି।
