ଜିଲ୍ଲାପାଳଙ୍କୁ ଚିଠି ଲେଖିଲେ ପ୍ରଦୀପ୍ତ ମହାପାତ୍ର, ଟେଷ୍ଟ କିଟ୍ ମହଜୁଦ ରଖିବାକୁ ନିର୍ଦ୍ଦେଶ
1 min read
ଭୁବନେଶ୍ୱର: ଜରୁରିକାଳୀନ ଭିତ୍ତିରେ ହେବ କୋଭିଡ ଚିକିତ୍ସା । ଏନେଇ ୨ୟ ପର୍ଯ୍ୟାୟ ଗାଇଡଲାଇନ ଜାରି କଲେ ACS ପ୍ରଦୀପ୍ତ ମହାପାତ୍ର । ସମସ୍ତ ଜିଲ୍ଲାପାଳଙ୍କୁ ଚିଠି ଲେଖିଲେ ପ୍ରଦୀପ୍ତ କୁମାର ମହାପାତ୍ର । ଆବଶ୍ୟକ ପରିମାଣର ଟେଷ୍ଟ କିଟ୍ ମହଜୁଦ ରଖିବାକୁ ନିର୍ଦ୍ଦେଶ ରହିଛି । ଜରୁରୀ ସେବା ପାଇଁ ୮ପ୍ରକାର ଔଷଧ ସହ ଅକ୍ସିଜେନ ମହଜୁଦ ରଖିବାକୁ ବି ନିର୍ଦ୍ଦେଶ ରହିଛି ।
ଆବଶ୍ୟକ ପରିମାଣର ICU ବେଡ୍ ରଖିବାକୁ ପରାମର୍ଶ ଦିଆଯାଇଛି । ଶେଷ ବର୍ଷ ଡାକ୍ତରୀ ଛାତ୍ରଛାତ୍ରୀ ଚିକିତ୍ସା ସେବା ଦେଇପାରିବେ । ତଦାରଖ ପାଇଁ ଜଣେ ଡାକ୍ତରଙ୍କୁ ୨ଜିଲ୍ଲା ଦାୟିତ୍ୱ ପ୍ରଦାନ । ସବୁ ହସ୍ପିଟାଲରେ ଆମ୍ବୁଲାନ୍ସ ସେବାକୁ ବ୍ୟବସ୍ଥିତ କରିବା ପାଇଁ କୁହାଯାଇଛି । ସମ୍ଭାବ୍ୟ କୋଭିଡର ତୃତୀୟ ଲହରକୁ ଆଗକୁ ରଖି ରାଜ୍ୟ ସରକାର ସମସ୍ତ ପ୍ରସ୍ତୁତି ଅନ୍ତିମ ପର୍ଯ୍ୟାୟରେ ପହଁଚାଇଛନ୍ତି ।
ଆବଶ୍ୟକ ଆଇସିୟୁ ବେଡ, ଆବଶ୍ୟକ କିଟ ଏବଂ ମେଡିସିନ ମହଜୁଦ ରଖିବାକୁ ନିର୍ଦ୍ଦେଶ ଦେଇଛନ୍ତି ଅତିରିକ୍ତ ଶାସନ ସଚିବ । ଏଥିପାଇ ବିଭାଗ ପକ୍ଷରୁ ଦ୍ୱିତୀୟ ପର୍ଯ୍ୟାୟ ଗାଇଡଲାଇନ ଜାରି କରାଯାଇଛି । ଏହି ସମସ୍ତ ସାମଗ୍ରୀ ମହଜୁଦ ରଖିବାକୁ କୁହାଯାଇଛି । ଏଥି ସହିତ ସମସ୍ତ ହସ୍ପିଟାଲରେ ଆମ୍ବୁଲାନ୍ସ ମଧ୍ୟ ରଖିବାକୁ ଚିଠି ମାଧ୍ୟମରେ ଉଲ୍ଲେଖ କରିଛନ୍ତି ଅତିରିକ୍ତ ଶାସନ ସଚିବ ପ୍ରଦୀପ୍ତ ମହାପାତ୍ର ।
