କଟକରେ ଏସିଡ ମାଡ଼

କଟକ: ଚାନ୍ଦିନୀଚୌକ ଅଞ୍ଚଳରେ ଦିନ ଦ୍ବିପ୍ରହରରେ ଏସିଡ୍ ମାଡ଼ । ଏଥିରେ ଦୁଇଜଣ ଆହତ ହୋଇଛନ୍ତି । ଆହତ ଦୁଇଜଣ ହେଲେ ସତ୍ୟବାନ ସାହୁ ଓ ସୌମ୍ୟ ନାୟକ । ସତ୍ୟବାନଙ୍କ ସ୍ବାସ୍ଥ୍ୟାବସ୍ଥା ଗୁରୁତର ଥିବା ବେଳେ ବନ୍ଧୁ ସୌମ୍ୟ ସାମାନ୍ୟ ଆହତ ହୋଇଛନ୍ତି ।

ଅଭିଯୋଗ ଅନୁସାରେ, ଚାନ୍ଦିନୀଚୌକ ଅଞ୍ଚଳର ନବୀନା ଦୀର୍ଘଦିନ ହେଲା ସତ୍ୟବାନଙ୍କୁ ହଇରାଣ ହରକତ କରିବା ସହ ଫୋନରେ ମଧ୍ୟ ଗାଳିଗୁଳଜ କରେ । ଆଜି ସତ୍ୟବାନଙ୍କ ଭଉଣୀଙ୍କୁ କଲ କରି ଅଭଦ୍ର ଭାଷାରେ ଗାଳି ଗୁଲଜ କରିଥିଲା । ନବୀନାଙ୍କୁ ଏ ସମ୍ପର୍କରେ ପଚାରିବାରୁ ସେ ଉତକ୍ଷିପ୍ତ ହୋଇ ସତ୍ୟବାନ ଓ ସୌମ୍ୟଙ୍କ ଉପରକୁ ଏସିଡ ମାଡ କରିଥିଲା । ଘଟଣାସ୍ଥଳରୁ ହିନ୍ଦୁ ସେନା ଓ ସ୍ଥାନୀୟ ଲୋକେ ଉଦ୍ଧାର କରି ପ୍ରଥମେ ଦୁହିଁଙ୍କୁ ସିଟି ହସ୍ପିଟାଲକୁ ନେଇଥିଲେ । ଅବସ୍ଥା ଗୁରୁତର ହେବାରୁ କଟକ ବଡ଼ ଡାକ୍ତରଖାନାକୁ ସ୍ଥାନନ୍ତର କରାଯାଇଛି । ତେବେ ସତ୍ୟବାନଙ୍କ ଶରୀରର ଅନେକ ଭାଗ ପୋଡ଼ି ଯାଇଥିବା କହିଛନ୍ତି ଡାକ୍ତର । ଆକ୍ରମଣରେ ବ୍ୟବହୃତ ଏସିଡ୍ ବଣିଆ ଦୋକାନରେ ସୁନା ରୁପା କାମରେ ବ୍ୟବହୃତ ହେଉଥିବା ପ୍ରାଥମିକ ତଦନ୍ତରୁ ଜଣାପଡିଛି ।