ରମାଦେବୀ ଛାତ୍ରୀ ଝରାଫୁଲ ମୃତ୍ୟୁ ମାମଲା, ଭୁବନେଶ୍ୱରରୁ ଅଭିଯୁକ୍ତ ଗିରଫ
ଭୁବନେଶ୍ୱର: ରମାଦେବୀ ଛାତ୍ରୀ ଝରାଫୁଲ ମୃତ୍ୟୁ ଘଟଣାରେ ବନ୍ଧାହେଲେ ପୁରୁଷ ବନ୍ଧୁ । ଭୁବନେଶ୍ୱର ଏୟାରଫିଲ୍ଡ ଥାନା ପୋଲିସ ମୃତ ଝରାଫୁଲଙ୍କ ପୁରୁଷ ବନ୍ଧୁ ରାକେଶ ସ୍ୱାଇଁଙ୍କୁ ଅଟକ ରଖି ପଚରାଉଚରା କରିବା ପରେ ଗିରଫ କରିଛି । ପରେ ରାକେଶକୁ ଏୟାର ଫିଲ୍ଡ ପୋଲିସ ଯାଜପୁର ପୋଲିସକୁ ହସ୍ତାନ୍ତର କରିଛି ।
ଝରାଫୁଲଙ୍କ ଗାଁରେ ଏଲ ଆଣ୍ଡ ଟି ପାଇପଲାଇନରେ କାମ କରୁଥିଲା ରାକେଶ । ସେହି ସମୟରେ ଗାଁକୁ ଯାଇଥିଲେ ଝରାଫୁଲ । କୌଣସି ପ୍ରକାରେ ଝରାଫୁଲଙ୍କ ନମ୍ବର କାହାଠାରୁ ନେଇଥିଲା ରାକେଶ । ନମ୍ବର ନେବା ପରେ ଆରମ୍ଭ ହୋଇଥିଲା କଥାବାର୍ତ୍ତା । ଏନେଇ ବାପାଙ୍କୁ ଜଣାଇଥିଲେ ଝରାଫୁଲଙ୍କ ଭାଇ । ଯେତେ ବୁଝାଇଲେ ବି ମାନିବାକୁ ନାରାଜ ଥିଲେ ଝରାଫୁଲ ।
ଆଉ ଭୁବନେଶ୍ୱର ଆସିବା ନେଇ ମଧ୍ୟ ରାକେଶଙ୍କୁ ଚାଟରେ ଜଣାଇଥିଲେ । ଏହାପରେ ବାରମ୍ବାର ଭିଡିଓ କଲ୍ ସହ ଚାଟିଂ କରି ହଇରାଣ କରୁଥିଲା ରାକେଶ । ଏନେଇ ପୋଲିସକୁ ଝରାଫୁଲଙ୍କ ବାପା ଜଣାଇବା ପରେ ରାକେଶକୁ ଅଟକ ରଖି ପଚରାଉଚରା ପରେ ଗିରଫ କରାଯାଇଛି ।
