ଶ୍ରମିକ ବୀମା କାର୍ଡ ନାଁରେ ଆଦିବାସୀଙ୍କଠାରୁ ଦଲାଲ ଆଦାୟ କରୁଛନ୍ତି ଟଙ୍କା
ମାଲକାନଗିରି: ଶ୍ରମିକ ବୀମା କାର୍ଡ ନାଁରେ ଠକେଇ । ନୀରିହ ଆଦିବାସୀଙ୍କଠାରୁ ମୁଣ୍ଡପିଛା ୧ ହଜାର ଟଙ୍କା ଆଦାୟ କରୁଛନ୍ତି ଦଲାଲ । ମାଲକାନଗିରି ଜିଲା ମାଥିଲି ସଦରରୁ ମାତ୍ର ୧ କିଲୋମିଟର ଦୂରରେ ଥିବା କୋଷାବାହାଲରେ ବେଧଡକ ଭାବେ ଚାଲିଛି ଅର୍ଥ ଆଦାୟ । ମୁଣ୍ତ ପିଛା ୧ ହଜାର ଟଙ୍କା ଆଦାୟ କରି ନିରୀହ ଆଦିବାସୀଙ୍କୁ ଠକୁଛନ୍ତି କିଛି ଦଲାଲ ।
ବୀମା କାର୍ଡ ମିଳିବା ଆଶାରେ ଆଦିବାସୀ ପଡା ଗାଁରେ ଲୋକମାନେ ଟଙ୍କା ଦେଉଥିବା ଦେଖିବାକୁ ମିଳିଛି । ଦଲାଲମାନେ ଜିଲ୍ଲା ଶ୍ରମିକ କାର୍ଯ୍ୟାଳୟର ନାଁ କହି ଗାଁକୁ ଯାଇ ଟଙ୍କା ଆଦାୟ କରୁଛନ୍ତି । ସେପଟେ କୌଣସି ଶ୍ରମିକ କାର୍ଡ ପାଇଁ ଅର୍ଥ ଦେବାକୁ ପଡେ ନାହିଁ ବୋଲି କହିଛନ୍ତି ଜିଲ୍ଲା ଶ୍ରମିକ ୱେଲଫେୟାର କୋର୍ଡିନେଟର । ଏଥିପ୍ରତି ସଚେତନ ରହିବାକୁ ସେ ଲୋକମାନଙ୍କୁ ପରାମର୍ଶ ଦେଇଛନ୍ତି ।
