କିଛି ଘଣ୍ଟା ପରେ ଝାରସୁଗୁଡ଼ାରେ ପହଞ୍ଚିବ ହତ୍ୟା ଅଭିଯୁକ୍ତ ଗୋପାଳ

ଭୁବନେଶ୍ୱର: ଆଉ କିଛି ଘଣ୍ଟା ପରେ ଝାରସୁଗୁଡ଼ାରେ ପହଞ୍ଚିବ ନବକିଶୋର ଦାସ ହତ୍ୟା ଅଭିଯୁକ୍ତ ଗୋପାଳ । କ୍ରାଇମବ୍ରାଞ୍ଚ ଅଧିକାରୀ, ପୋଲିସ, ଜିଲ୍ଲା ପ୍ରଶାସନ ବିମାନବନ୍ଦରରେ ପହଞ୍ଚିଛନ୍ତି। ନାର୍କୋ ଓ ପଲିଗ୍ରାଫ ଟେଷ୍ଟ ପରେ ଝାରସୁଗୁଡ଼ା ଆସୁଛି ଗୋପାଳ । ଗତ ୮ତାରିଖରେ ଅଭିଯୁକ୍ତକୁ ନେଇ ଗୁଜରାଟର ଗାନ୍ଧିନଗର ଯାଇଥିଲା କ୍ରାଇମବ୍ରାଞ୍ଚର ୮ଜଣିଆ ଟିମ୍। ସେଠାରେ ଗୋପାଳର ନାର୍କୋ ଓ ପଲିଗ୍ରାଫ ଟେଷ୍ଟ କରାଯାଇଛି।

ନାର୍କୋ ଟେଷ୍ଟରେ ଅନେକ ଗୁମର ଖୋଲିଛି ଗୋପାଳ । ଅଭିଯୁକ୍ତ ମୁହଁରୁ ସତ ଆଦାୟ କରିଛି କ୍ରାଇମବ୍ରାଞ୍ଚ। କାହିଁକି ନବକିଶୋର ଦାସଙ୍କୁ ହତ୍ୟା କରିଥିଲା ଗୋପାଳ ? ମନ୍ତ୍ରୀଙ୍କୁ ହତ୍ୟା କରିବା ପଛର କାରଣ କଣ ? କେଉଁ କାରଣରୁ ନବକିଶୋରଙ୍କ ଉପରେ ରାଗଥିଲା ? କୌଣସି ବ୍ୟକ୍ତିଗତ ଶତ୍ରୁତା ଥିଲା କି ? ନାର୍କୋ ପରୀକ୍ଷା ବେଳେ ଏସବୁ ପ୍ରଶ୍ନର ଉତ୍ତର ଦେଇଛି ଗୋପାଳ । କ୍ରାଇମବ୍ରାଞ୍ଚ ଏଡିଜି ଅରୁଣ ବୋଥ୍ରାଙ୍କ ନେତୃତ୍ବରେ ୮ ଜଣିଆ ଟିମ୍ ଗାନ୍ଧୀନଗରରେ ଗୋପାଳକୁ ଜେରା କରିଛନ୍ତି। ଗୋପାଳର ତୃତୀୟ ପର୍ଯ୍ୟାୟ ରିମାଣ୍ଡ ଅବଧି ଆସନ୍ତାକାଲି ସରୁଛି।

ଗୋପାଳ ପାଟିରୁ ସତ ଓଗାଳିବା ପାଇଁ ଗାନ୍ଧୀନଗର ଫରେନ୍ସିକ ଲ୍ୟାବକୁ ଯାଇଥିଲା ଅଭିଯୁକ୍ତ ଗୋପାଳ ଦାସ  । ଅରୁଣ ବୋଥ୍ରାଙ୍କ ନେତୃତ୍ୱରେ ତଦନ୍ତ ଚଳାଇଥିବା କ୍ରାଇମବ୍ରାଞ୍ଚ ଟିମ୍ ଗୋପାଳ ପାଟିରୁ ସତ ଜାଣିବା ପରେ ପୁଣି ଥରେ ଝାରସୁଗୁଡ଼ା ଅଭିମୁଖେ ବାହାରିଛି  ।  ତେବେ ଗୋପାଳର ରିମାଣ୍ଡ ଅବଧି କାଲି ସରିବାକୁ ଯାଉଛି  ।