୧୦ ବର୍ଷ ଜେଲଦଣ୍ଡ ଶୁଣି ଚମ୍ପଟ ମାରିଥିଲା ଅପରାଧି, ତେଲେଙ୍ଗାନାରୁ ଧରିଲା ପୋଲିସ

ଭୁବନେଶ୍ୱର: ୧୦ ବର୍ଷ ଜେଲଦଣ୍ଡ ଶୁଣି ଭୁବନେଶ୍ବର କୋର୍ଟରୁ ପୋଲିସକୁ ଧକା ମାରି ଚମ୍ପଟ ଘଟଣା । ଫେରାର କଏଦୀ ବିଜୟ ମାଣିଆ ଗିରଫ । ତେଲେଙ୍ଗାନା ସାଇବରାବାଦ ଥାନା କୁଣ୍ଡୁର୍ଗ ଅଂଚଳରୁ ଗିରଫ କଲା ବଡଗଡ଼ ଥାନା ପୋଲିସ। ସେଠାରେ ଏକ ପେପର ମିଲ ରେ କାମ କରୁଥିଲା ବିଜୟ । ଗତ ଜୁନ 25 ତାରିଖରେ ବିଜୟ କୋର୍ଟ ରୁ ଫେରାର ହୋଇଯାଇଥିଲା । ପୋଲିସ ସୂଚନା ଅନୁସାରେ 2019 ମସିହାରେ ବିଜୟ 100 କେଜି ଗଞ୍ଜେଇ ଚୋରା ଚାଲାଣ କରିବା ଅଭିଯୋଗରେ କଟକ ଅବକାରୀ ଦ୍ୱାରା ଗିରଫ ହୋଇଥିଲା ।

କୋର୍ଟଙ୍କ ରାୟ ଆସିବା ପରେ ପୋଲିସ କୁ ଚକମା ଦେଇ ଛୁ ମାରିଥିଲା । କୋର୍ଟରୁ ଖସିବା ପରେ ଅଟୋରେ ବରମୁଣ୍ଡା ଯାଇଥିଲା । ସେଠାରୁ ଶ୍ବଶୁର ଘର ଜଗତପୁର ଯାଇ ଲୁଚିବା ଥିଲା । ତା ପରେ ପୁରୀରୁ ଟ୍ରେନ ଯୋଗେ ତେଲେଙ୍ଗାନା ଯାଇ ପୂର୍ବରୁ କାମ କରୁଥିବା ପେପେର ମିଲରେ କାମ କରୁଥିଲା । ଟ୍ରାଞ୍ଜିଟ ରିମାଣ୍ଡରେ ଆଜି ଆଣିବା ପରେ କୋର୍ଟ ଚାଲାଣ କରିଛି ପୋଲିସ।