ସଡ଼କ ଦୁର୍ଘଟଣାରେ ବାଇକ ସହ ଜୀଅନ୍ତା ଜଳିଗଲେ ଦୁଇ ଯୁବକ

କଟକ : କଟକ-ପାରାଦୀପ ରାସ୍ତା କନ୍ଦରପୁର ଟୋଲଗେଟ ନିକଟରେ ଅଭାବନୀୟ ଘଟଣା । ସଡ଼କ ଦୁର୍ଘଟଣାରେ ବାଇକ ସହ ଜୀଅନ୍ତା ଜଳିଗଲେ ଦୁଇ ଯୁବକ । ମୃତକ ହେଲେ ରାଜେଶ ଦାସ ଓ ଈଶାନ କୁମାର ସାହୁ । ଉଭୟଙ୍କ ଘର ଜଗତସିଂହପୁର ରାହାମା ଅଞ୍ଚଳରେ ବୋଲି ଜଣାପଡିଛି । ଗତକାଲି ବିଳମ୍ବିତ ରାତିରେ ଦୁର୍ଘଟଣା ଘଟି ତାଙ୍କର ମୃତ୍ୟୁ ହୋଇଛି । ରାହାମାରୁ ପୁରୀ ଯାଉଥିଲେ ଦୁଇ ଯୁବକ । ଅନ୍ୟ ଏକ ଗାଡ଼ିକୁ ପଛପଟୁ ଧକା ଦେବା ପରେ ତେଲ ଟାଙ୍କି ଫାଟି ଗାଡିରେ ନିଆଁ ଲାଗିଯାଇଥିଲା । ଫଳରେ ନିଆଁରେ ପୋଡି ହୋଇ ଦୁଇ ଯୁବକଙ୍କ ମୃତ୍ୟୁ ହୋଇଛି ।