ଅଦରକାରୀ ପ୍ଲାଷ୍ଟିକ ବୋତଲ ଓ ସଢ଼େଇରୁ ଘରସଜ୍ଜା ସାମଗ୍ରୀ ତିଆଣି କରୁଛନ୍ତି ଅଭିସ୍ପା

ଯାଜପୁର: ପରିବେଶ ସୁରକ୍ଷା ପାଇଁ ଯାଜପୁରର ଅଭିସ୍ପା ସ୍ବାଇଁଙ୍କ ନିଆରା ପ୍ରୟାସ । ଅଦରକାରୀ ଜିନିଷରୁ ତିଆରି କରୁଛନ୍ତି ଘରସଜ୍ଜା ସାମଗ୍ରୀ । ପ୍ଲାଷ୍ଟିକ ବୋତଲ ଓ ସଢେଇ ପରି ଅଦରକାରୀ ଜିନିଷରେ ତିଆରି କରୁଛନ୍ତି ସୁନ୍ଦର କଳାକୃତି । ପିଲାଦିନରୁ ଚିତ୍ରକଳା ପ୍ରତି ଥିଲା ଅଭିପ୍ସାଙ୍କ ଦୁର୍ବଳତା । ଏବେ ତାଙ୍କର ଏହି ପ୍ରୟାସକୁ ନେଇ ସବୁଠି ମିଳୁଛି ପ୍ରଶଂସା ।

ଯାଜପୁର ରସୁଲପୁର ମୁଗୁପାଳ ଗାଁର ଅଭିପ୍ସା ସ୍ବାଇଁ । ଯୁକ୍ତ ୩ରେ ପଢୁଥିବା ଅଭିସ୍ପା ଅଦରକାରୀ ଜିନିଷରେ ତିଆଣି କରୁଛନ୍ତି ଘରସଜ୍ଜା ସାମଗ୍ରୀ । ପାଠ ପଢା ସହ ଚିତ୍ରକଳା ତାଙ୍କର ଏକ ନିଶା ପାଲଟିଯାଇଛି । ଫିଙ୍ଗା ଯାଉଥିବା ପ୍ଲାଷ୍ଟିକ ଓ କାଚ ବୋତଲ, ମେଡିସିନ ଖୋଳ, ନଡିଆ ସଢ଼େଇ, ବ୍ୟବହାର ହୋଇଥିବା ଦୀପ, ପ୍ଲାଷ୍ଟିକ ଚା କପ, କଉଡି ସହ ଘରର ଅଦରକାରୀ ଜନିଷକୁ ସେ ବ୍ୟବହାର କରୁଛନ୍ତି । ଅଧିକାଂଶ ଚିତ୍ରରେ ସେ ପ୍ରଭୁ ଜଗନ୍ନାଥଙ୍କୁ ଚିତ୍ରିତ କରିଥିବା ବେଳେ ଭଳିକି ଭଳି ଚିତ୍ର ଆଙ୍କି ସେ ଚର୍ଚ୍ଚାକୁ ଆସିଛନ୍ତି । ନିଜର ପ୍ରସ୍ତୁତି ଜିନିଷରେ ସେ ନିଜ ଘର ସଜାଇଥିବା ବେଳେ ଏହାକୁ ଅନ୍ୟମାନଙ୍କୁ ଉପହାର ମଧ୍ୟ ଦେଉଛନ୍ତି । ଆଗମୀ ଦିନରେ ପାଠପଢ଼ା ସହ ଓଡିଶାର ଏକ ଭଳ ଚିତ୍ରଶିଳ୍ପୀ ହେବାକୁ ଆଶା ରଖିଛନ୍ତି ଅଭିସ୍ପା ।