ଜାମିନ ଆବେଦନ କଲେ ଅଭୟକାନ୍ତ ପାଠକ ଓ ପ୍ରଦୀପ ପାଣିଗ୍ରାହୀ

କଟକ: ଜେଲରୁ ଜାମିନ୍ ଆବେଦନ । ହାଇକୋର୍ଟଙ୍କ ଦ୍ୱାରସ୍ଥ ହୋଇଛନ୍ତି ଗିରଫ IFS ଅଧିକାରୀ ଅଭୟକାନ୍ତ ପାଠକ । ୩ ଦିନିଆ ରିମାଣ୍ଡରେ ନେଇ SITର ଜେରା ପରେ ହାଇକୋର୍ଟରେ ଜାମିନ୍ ଆବେଦନ କରିଛନ୍ତି ଅଭୟ । ରିମାଣ୍ଡରେ ନେଇ SIT ପାଠକ ବାପ-ପୁଅଙ୍କୁ ଜେରା କରଥିବା ବେଳେ ଆସନ୍ତାକାଲି କୋର୍ଟରେ ହାଜର କରିବ ।

ଅନ୍ୟପଟେ ଭାବି ଜ୍ୱାଇଁ ଆକାଶଙ୍କ ସହ ମିଶି ଟାଟା ମୋଟର୍ସରେ ଚାକିରି ନାଁରେ ଠକେଇ ଅଭିଯୋଗରେ ଗିରଫ ହୋଇଥିବା ପ୍ରଦୀପ ପାଣିଗ୍ରାହୀ ଜାମିନ୍ ଆବେଦନ କରିଛନ୍ତି । ପ୍ରଦୀପ ଖୋର୍ଦ୍ଧା ଜିଲ୍ଲା ଓ ଦୌରାଜଜଙ୍କ କୋର୍ଟରେ ଜାମିନ ଆବେଦନ କରିଛନ୍ତି । ଗତକାଲି ପ୍ରଦୀପଙ୍କୁ କ୍ରାଇମବ୍ରାଞ୍ଚ ଗିରଫ କରି କୋର୍ଟ ଚାଲାଣ କରିଥିଲା । ପ୍ରଦୀପଙ୍କ ଜାମିନ ଆବେଦନକୁ ଏସଡିଜେଏମ କୋର୍ଟ ଖାରଜ କରି ଦେଇଥିଲେ ।

ଅନ୍ୟପଟେ ପାଠକଙ୍କ ପୁଅ ଆକାଶଙ୍କ ଆକାଉଣ୍ଟରୁ ଭିଜିଲାନ୍ସକୁ ଆହୁରି ୧.୪୭ କୋଟି ଟଙ୍କା ଜମା ମିଳିଛି । ଏଯାବତ୍ ଆକାଶଙ୍କ ତିନୋଟି ଆକାଉଣ୍ଟରୁ ୧୭.୫୨ କୋଟି ଟଙ୍କାର ଜମା ଠାବ ହୋଇଛି । ଆକାଶଙ୍କ ନାଁରେ ବଲାଙ୍ଗିର ଓ ବ୍ରହ୍ମପୁରରେ ଆକାଉଣ୍ଟ ରହିଥିବା ବେଳେ ସେଥିରେ କେତେ ଦେଣନେଣ ହୋଇଛି ତାର ଛାନଭିନ୍ ଚାଲିଛି ।