ଜାଣନ୍ତୁ, ମୁଖ୍ଯମନ୍ତ୍ରୀ ଚନ୍ନୀଙ୍କୁ ହରାଇଥିବା ଲାଭ ସିଂ କ’ଣ କରନ୍ତି ?

ଅମୃତସର: ପଞ୍ଜାବରେ ଓଲଟିଗଲା ସବୁ ଗଣିତ  । କାମ କଲାନି ରାଜନୈତିକ ରଣନିତୀକାରଙ୍କ ମାଷ୍ଟରପ୍ଲାନ  । ମୁଖ୍ୟମନ୍ତ୍ରୀଙ୍କୁ ପରାଜୟର ସ୍ୱାଦ ଚଖେଇ ଦେଲେ ଜଣେ ସାମାନ୍ୟ ମୋବାଇଲ ଦୋକାନୀ  । ହଁ, ଏମିତି କିଛି ରାଜନୈତିକ ଗଣିତ ଏଥର ଅନେକଙ୍କୁ ଆଶ୍ଚର୍ଯ୍ୟ କରିଛି  । ପଞ୍ଜାବ କଂଗ୍ରେସର ପୋଷ୍ଟର ବୟ ତଥା ମୁଖ୍ୟମନ୍ତ୍ରୀ ପ୍ରାର୍ଥୀ ଚରଣଜିତ ଚନ୍ନୀ ପରାଜିତ ହୋଇଛନ୍ତି  । କିନ୍ତୁ ପରାଜିତ କରିଥିବା ପ୍ରତିଦ୍ୱନ୍ଦୀ କୌଣସି ପ୍ରତିପତ୍ତି କିମ୍ବା ହେଭିୱେଟ ନେତା ନୁହେଁନ୍ତି ବଂର ସେ ହେଉଛନ୍ତି ମୋବାଇଲ ଦୋକାନରେ କାର୍ଯ୍ୟକରୁଥିବା ଜଣେ ସାଧାରଣ ଯୁବକ  । ଚରଣଜିତ ଚନ୍ନି ଦୁଇଟି ଆସନରୁ ନିର୍ବାଚନ ଲଢିଥିବାବେଳେ ଭଦୌର ଆସନକୁ ସୁରକ୍ଷିତ ମଣିଥିଲେ ଚନ୍ନୀ  । ଚନ୍ନୀଙ୍କ ପ୍ରତିଦ୍ୱନ୍ଦୀ ଭାବେ ଉଭା ହୋଇଥିଲେ ଆମ ଆଦମୀ ପାର୍ଟିର ପ୍ରାର୍ଥୀ ଲାଭ ସିଂ  ।

ଚରଣଜିତ ଚନ୍ନୀ ପୂର୍ବରୁ ମୁଖ୍ୟମନ୍ତ୍ରୀ ରହିଥିଲେ, ଚଳିତ ନିର୍ବାଚନରେ ମଧ୍ୟ ମୁଖ୍ୟମନ୍ତ୍ରୀ ପ୍ରାର୍ଥୀ ରହିଥିଲେ  । କିନ୍ତୁ ପ୍ରତିଦ୍ୱନ୍ଦୀ ଲାଭ ସିଂ ଥିଲେ ଗୋଟିଏ ମୋବାଇଲ ଦୋକାନର କର୍ମଚାରୀ  । ସେହିପରି ଲାଭ ସିଂଙ୍କ ମାଆ  ସରକାରୀ ବିଦ୍ୟାଳୟର ସଫେଇ କର୍ମଚାରୀ ରହିଛନ୍ତି  । ତାଙ୍କ ବାପା ଜଣେ ସାଧାରଣ କୃଷକ  । ତେବେ କେଜ୍ରାୱାଲ ମଧ୍ୟ ଲାଭ ସିଂଙ୍କ ପାଇଁ ପ୍ରଚାର କରିବାକୁ ଗସ୍ତ କରିଥିଲେ   । ସାଧାରଣ ଭୋଟରଙ୍କୁ ନିବେଦନ କରିଥିଲେ, କହିଥିଲେ ପଞ୍ଜାବର ମୁଖ୍ୟମନ୍ତ୍ରୀଙ୍କୁ ହରାଇବା ପାଇଁ ପ୍ରାର୍ଥୀ ହୋଇଛନ୍ତି ଲାଭ ସିଂ  । ଯିଏ ଜଣେ ସାଧରଣ ଯୁବକ  ।

ଆମ ଆଦମୀ ର ତାକତ ଏବଂ କାର୍ଯ୍ୟପନ୍ଥାକୁ ଉଲ୍ଲେଖ କରିଥିଲେ କେଜ୍ରିୱାଲ  । କହିଥିଲେ ପ୍ରାର୍ଥୀ ହୋଇଥିବା ଲାଭ ଏବଂ ମାତ୍ର କେବଳ ଦୁଇଟି ଛୋଟିଆ ବଖରା ଘର ଭିତରେ ବାସ କରୁଛନ୍ତି  ।  ନିର୍ବାଚନୀ ପ୍ରଚାରରେ ଆପ ମୁଖ୍ୟ କେଜ୍ରାୱାଲ ଲାଭ ସିଂଙ୍କ ଗାଁକୁ ଗସ୍ତ କରିଥିଲେ  । ସାଧାରଣ ଲୋକଙ୍କ ସହ ମିଶିଥିଲେ  । ଲାଭ ସିଂ ଙ୍କୁ ଭୋଟ ଦେବାକୁ ଅନୁରୋଧ କରିଥିଲେ  । ତେବେ ପଞ୍ଜାବର ମୁଖ୍ୟମନ୍ତ୍ରୀ ଚରଣଜିତ ଚନ୍ନୀଙ୍କୁ ହରାଇଥିବା ନବ ନିର୍ବାଚନତ ବିଧାୟକ ଲାଭ ସିଂଙ୍କୁ ନେଇ ଏବେ ସମଗ୍ର ଦେଶରେ ଚର୍ଚ୍ଚା  । ରାଜନିତୀରେ ନଥିବା  ଜଣେ ସାମାନ୍ୟ ଯୁବକ ମଧ୍ୟ ମୁଖ୍ୟମନ୍ତ୍ରୀଙ୍କୁ ହରାଇ ପାରନ୍ତି, ତାହାକୁ ବାସ୍ତବରେ ପ୍ରତିପାଦନ କରିଛନ୍ତି  ।