ଦିଲ୍ଲୀରେ ଆପର ଅଭିନବ ବିକ୍ଷୋଭ, ବିଭିନ୍ନ ସ୍ଥାନରେ ଯୁବ କର୍ମୀଙ୍କ ‘ୱାକ ଫର କେଜରିୱାଲ ଅଭିଯାନ’
1 min read
ନୂଆଦିଲ୍ଲୀ : ଦିଲ୍ଲୀ ମୁଖ୍ଯମନ୍ତ୍ରୀ ଅରବିନ୍ଦ କେଜରିୱାଲଙ୍କ ଗିରଫ ପ୍ରତିବାଦରେ ଦିଲ୍ଲୀରେ ଆମ ଆଦମୀ ପାର୍ଟିର ଅଭିନବ ବିକ୍ଷୋଭ। ଶହ ଶହ ଦଳୀୟ କର୍ମୀ ଦିଲ୍ଲୀରେ ଆୟୋଜନ କରିଛନ୍ତି ‘ୱାକ ଫର କେଜରିୱାଲ ଅଭିଯାନ’। ଦିଲ୍ଲୀ ମଦନୀତି ମାମଲାରେ କେଜରିୱାଲଙ୍କୁ ପ୍ରବର୍ତ୍ତନ ନିର୍ଦ୍ଦେଶାଳୟ ଗିରଫ କରିବା ପରଠାରୁ ଦେଶବ୍ଯାପୀ ବିଭିନ୍ନ ରାଜ୍ଯରେ ବିଭିନ୍ନ ଉପାୟରେ ଆନ୍ଦୋଳନ ଜାରି ରଖିଛନ୍ତି ଆପ୍ କର୍ମୀ।
ମନ୍ତ୍ରୀ ସୌରଭ ଭରଦ୍ବାଜ କହିଛନ୍ତି, ଦିଲ୍ଲୀରେ ଏବେ ଜେଲ କା ଜବାବ ଭୋଟ ସେ ଅଭିଯାନ ଜାରି ରହିଛି। ଆପର ଯୁବଶାଖା ପକ୍ଷରୁ ୱାକାଥନ ଆୟୋଜିତ ହୋଇଛି। ଆପକୁ ଦମନ କରିବା ଲାଗି କେନ୍ଦ୍ର ସରକାର ଯେଉଁ ପଦକ୍ଷେପ ନେଉଛନ୍ତି ତାହା ବିରୋଧରେ ଆପ ଏହି ବିକ୍ଷୋଭ କରିଛି। ମନ୍ତ୍ରୀ ଆତିଶି କହିଛନ୍ତି- ଦିଲ୍ଲୀ ମୁଖ୍ଯମନ୍ତ୍ରୀ କେଜରିୱାଲଙ୍କ ସମର୍ଥନରେ ସାରା ଦିଲ୍ଲୀବାସୀ ରହିଛନ୍ତି। ଆପ୍ ଯେପରି ନିର୍ବାଚନ ପ୍ରଚାର କରିପାରିବ ନାହିଁ ସେଥିଲାଗି ଉଦ୍ଯମ କରାଯାଉଛି।
