କେଜରିୱାଲଙ୍କ ଘୋଷଣା: ଦିଲ୍ଲୀ ସମେତ ୬ ରାଜ୍ୟରେ ନିର୍ବାଚନ ଲଢ଼ିବ ଆମ ଆଦମୀ ପାର୍ଟି

ନୂଆଦିଲ୍ଲୀ: ରାଜଧାନୀ ଦିଲ୍ଲୀ ସମେତ ଅନ୍ୟ ୬ଟି ରାଜ୍ୟରେ ନିର୍ବାଚନ ଲଢ଼ିବ ଆମ ଆଦମୀ ପାର୍ଟି। ଏନେଇ ଆମ୍ ଆଦମୀ ପାର୍ଟି ଜାତୀୟ ସଂଯୋଜକ ଅରବିନ୍ଦ କେଜରିୱାଲ ଘୋଷଣା କରିଛନ୍ତି । ଆସନ୍ତା ଦୁଇ ବର୍ଷ ମଧ୍ୟରେ ଉତ୍ତରପ୍ରଦେଶ, ଉତ୍ତରାଖଣ୍ଡ, ଗୋଆ, ପଞ୍ଜାବ, ହିମାଚଳ ପ୍ରଦେଶ ଓ ଗୁଜୁରାଟରେ ଆମ୍ ଆଦମୀ ପାର୍ଟି ନିର୍ବାଚନ ଲଢ଼ିବ।

ଦିଲ୍ଲୀରେ ଆମ୍ ଆଦମୀର ଶାସନକୁ ନେଇ ସାରା ଦେଶର ଲୋକେ ଭଲ କହୁଛନ୍ତି ବୋଲି କହିଛନ୍ତି କେଜରିୱାଲ। ଦେଶର ଯେ କୌଣସି ସ୍ଥାନରେ ଲୋକମାନେ ଶକ୍ତି ଏବଂ ଜଳ ସବସିଡି ଭଳି କଲ୍ୟାଣକାରୀ ଯୋଜନା ଚାହୁଁଛନ୍ତି। ଆମେ ଏହା ମଧ୍ୟରେ ଥିବା ଦୂରତାକୁ କମ୍‌ କରିବାକୁ ଚାହୁଁଛୁ। ଏଥିପାଇଁ ଆମକୁ ଏକ ଶକ୍ତିଶାଳୀ ସଂଗଠନ ଗଠନ କରିବାକୁ ପଡ଼ିବ। ତେଣୁ ଆସନ୍ତା ଦୁଇ ବର୍ଷ ମଧ୍ୟରେ ଆମ୍ ଆଦମୀ ପାର୍ଟି ଉତ୍ତରପ୍ରଦେଶ, ଉତ୍ତରାଖଣ୍ଡ, ଗୋଆ, ହିମାଚଳପ୍ରଦେଶ, ପଞ୍ଜାବ ଏବଂ ଗୁଜୁରାଟରେ ନିର୍ବାଚନ ଲଢିବାକୁ ପ୍ରସ୍ତୁତ ବୋଲି କହିଛନ୍ତି କେଜରିୱାଲ।