୧୫୮ ଆହାର କେନ୍ଦ୍ର ଓ ୩୪ ସେଣ୍ଟ୍ରାଲ୍ କିଚେନ୍କୁ ମିଳିଲା ISO ମାନ୍ୟତା
1 min read
ଭୁବନେଶ୍ୱର: ରାଜ୍ୟର ୧୫୮ ଆହାର କେନ୍ଦ୍ର ଓ ୩୪ ସେଣ୍ଟ୍ରାଲ୍ କିଚେନ୍କୁ ମିଳିଲା ISO ମାନ୍ୟତା । ଆହାର କେନ୍ଦ୍ରରେ ମିଳୁଥିବା ଖାଦ୍ୟର ମାନ ଓ ଗୁଣବତ୍ତା ଯୋଗୁଁ ମିଳିଲା ମାନ୍ୟତା । ସହରାଞ୍ଚଳରେ ଗରିବ ଲୋକଙ୍କୁ କମ୍ ଦାମ୍ରେ ଭଲ ଖାଇବା ଯୋଗାଇଦେବା ଲାଗି ଆରମ୍ଭ ହୋଇଥିଲା ଏହି ଯୋଜନା । ଯୋଜନା ଅନୁଯାୟୀ ଆହାର କେନ୍ଦ୍ରମାନଙ୍କରେ ମାତ୍ର ୫ ଟଙ୍କାରେ ଲୋକଙ୍କୁ ଯୋଗାଇ ଦିଆଯାଉଛି ଖାଇବା । ଯୋଜନା ଆରମ୍ଭରେ ଦିନ ୧୧ରୁ ୩ ଟା ଯାଏଁ ଲୋକଙ୍କୁ ଖାଇବା ଯୋଗାଇଦିଆଯାଉଥିବା ବେଳେ ପରେ ରାତିରେ ମଧ୍ୟ ଖୋଲାଯାଇଥିଲା ଆହାର କେନ୍ଦ୍ର । ରାଜ୍ୟର ବିଭିନ୍ନ ମେଡିକାଲ ପରିସରରେ ଥିବା ଆହାର କେନ୍ଦ୍ରକୁ ରାତିରେ ଖୋଲାଯାଇଥିଲା ।
ନଗର ଉନ୍ନୟନ ବିଭାଗ, ଜିଲ୍ଲାପାଳ ଓ ପ୍ରକଳ୍ପ ସହଯୋଗୀଙ୍କ ନିଷ୍ଠା ଯୋଗୁଁ ‘ଆହାର’ ଓ କିଚେନ୍ ସେଣ୍ଟରକୁ ISO ମାନ୍ୟତା ମିଳିପାରିଥିବା ଟ୍ୱିଟ୍ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।
