ବକେୟା ଟଙ୍କା ମାଗିବାରୁ ଯୁବକଙ୍କୁ ପିଟି ପିଟି ହତ୍ୟା

ବୌଦ୍ଧ : ବୌଦ୍ଧ ଜିଲ୍ଲା ସମ୍ପଚ ଗାଁରେ ଅଭାବନୀୟ ଘଟଣା । ବକେୟା ଟଙ୍କା ମାଗିବାରୁ ଯୁବକଙ୍କୁ ପିଟି ପିଟି ହତ୍ୟା କଲେ ଦୁଇ ଭାଇ । ମୃତକ ହେଲେ ସତ୍ୟନାରାୟଣ ସ୍ବାଇଁ। ହତ୍ୟା ପରେ ଅଭିଯୁକ୍ତ ଦୁଇ ଭାଇ ନିମାଇ ଥାଟି ଓ ଦୁର୍ଯ୍ୟୋଧନ ଫେରାର ହୋଇ ଯାଇଛନ୍ତି।

ସୂଚନା ଅନୁସାରେ, ବୌଦ୍ଧ ଥାନା ସମ୍ପଚ ଗ୍ରାମର ସତ୍ୟନାରାୟଣ ଭୋଇଙ୍କ ଠାରୁ ଅଭିଯୁକ୍ତ ଦୁଇ ଭାଇ କିଛି ଟଙ୍କା ନେଇଥିଲେ। ଗତକାଲି ବିଳମ୍ବିତ ରାତିରେ ଦୁଇ ଭାଇ ମଦ୍ୟପାନ କରି ଫେରୁଥିବା ବେଳେ ସତ୍ୟନାରାୟଣ ତାଙ୍କୁ ଟଙ୍କା ମାଗିଥିଲା । ଏଥିରେ ଉତ୍ୟକ୍ତ ହୋଇ ସତ୍ୟନାରାୟଣ ଉପରେ ଆକ୍ରମଣ କରିଥିଲେ ଦୁଇଭାଇ । ଏକ ଠେଙ୍ଗାରେ ପିଟି ପିଟି ଅତି ନିର୍ମମ ଭାବେ ସତ୍ୟ ନାରାୟଣଙ୍କୁ ହତ୍ୟା କରିଥିଲେ । ପୋଲିସ ମୃତଦେହ ଜବତ କରି ଘଟଣାର ତଦନ୍ତ କରୁଛି ।