ବଲାଙ୍ଗୀରରେ ବିଭତ୍ସ, ଘରେ ପସି ଯୁବକକୁ ହତ୍ୟା

ବଲାଙ୍ଗୀର: ଗାନ୍ଧିନଗରପଡାରେ ଚାଞ୍ଚଲ୍ୟ । ଘରେ ପସି ଯୁବକଙ୍କୁ ହତ୍ୟା କଲେ ଦୁର୍ବୃତ୍ତ । ସୂଚନା ମୁତାବକ ପୂର୍ବ ଶତ୍ରୁତାକୁ କେନ୍ଦ୍ରକରି ଏହି ହତ୍ୟାକାଣ୍ଡ ଘଟାଇଛନ୍ତି ଦୁର୍ବୃତ୍ତ  ।  ଘର ଭିତରେ ପସି ହତ୍ୟା କରିବା ପରେ ଫେରାର ହୋଇଯାଇଛନ୍ତି  । ସେପଟେ ହତ୍ୟାର ଶିକାର ହୋଇଛନ୍ତି ଗାନ୍ଧିନଗରପଡାର ଅରବିନ୍ଦ କୁମାର ସିଂ ।

ଘରେ କେହି ନଥିବା ବେଳେ ଦୁଇ ଜଣ ଦୃର୍ବୃତ୍ତ ଘରେ ପସି ହତ୍ୟା କରିଥିଲେ , ପରେ କେହି ଦେଖିନବେ ଆଗରୁ ଫେରାର ହୋଇଯାଇଥିବା ସୂଚନା ମିଳିଛି । ମୃତ ଦେହକୁ ଦେଖିଲେ ସ୍ପଷ୍ଟ ଯେ, ଏକ ଧାରୁଆ ଅସ୍ତ୍ରରେ ଅତି ନିର୍ମମ ଭାବରେ ହତ୍ୟା କରାଯାଇଛି । ରକ୍ତ ଜୁଡୁବୁଡୁ ଅବସ୍ଥାରେ ଘର ଭିତରେ ପଡି ରହିଛି ମୃତ ଦେହ । ମୃତ ଯୁବକଙ୍କ ବୟସ ୩୭ ବର୍ଷ ହୋଇଥିବାବେଳେ ଘଟଣା ସମ୍ପର୍କରେ ଖବର ପାଇ ଟାଉନ ଥାନା ପୋଲିସ ତଦନ୍ତ ଆରମ୍ଭ କରିଛି  ।