ମଡେଲ ଆତ୍ମହତ୍ୟା ପଛରେ ସିଙ୍ଗର , ସୁଇସାଇଡ ନୋଟରେ ଲେଖିଲେ କାରଣ

ଭୁବନେଶ୍ୱର: ସୁଇସାଇଡ ନୋଟରେ ଲେଖିଲେ ଆତ୍ମହତ୍ୟାର କାରଣ  । ରାଜଧାନୀରେ ଘଟିଲା ଛାତିଥରା ଘଟଣା । ପ୍ରେମିକା ଧୋକ୍କା ଦେବାରୁ ଆତ୍ମହତ୍ୟା କଲେ ଯୁବକ । ମୃତ ଯୁବକ ହେଲେ କଟକ ବଡମ୍ବା ଅଞ୍ଚଳର ସୌମ୍ୟ ରଞ୍ଜନ ପାଣିଗ୍ରାହୀ । ସେ ଭୁବନେଶ୍ବରର ନନ୍ଦନବିହାରରେ ରହୁଥିଲେ । ପ୍ରେମିକା ପାଇଁ ଜୀବନ ହାରିଥିବା ପରିବାର ଲୋକ ଅଭିଯୋଗ କରିଛନ୍ତି  । ସେପଟେ ଘଟଣାସ୍ଥଳରେ ପୋଲିସ ପହଁଚି ସୁଇସାଇଡ ନୋଟ୍ ଜବତ କରିଛି ।

ପ୍ରେମିକା ଧୋକା ଦେବାରୁ ସେ ଆତ୍ମହତ୍ୟା କରିଥିବା ସ୍ପଷ୍ଟ କରିଛନ୍ତି । ସୁଇସାଇଡ ନୋଟରେ ପ୍ରେମିକାକୁ ଦାୟୀ କରି ବାପାଙ୍କ ପାଇଁ କୋହଭରା ଚିଠି ଲେଖିଛନ୍ତି ସୌମ୍ୟ । ମୃତ୍ୟୁ ପରେ ତାଙ୍କର ଅଙ୍ଗଦାନ କରିବାକୁ ମଧ୍ୟ ସୁଇସାଇଡ ନୋଟରେ ଲେଖିଛନ୍ତି । ପୁଅର ମୃତ୍ୟୁ ପାଇଁ ଯୁବତୀଙ୍କୁ ଦାୟୀ କରିଛନ୍ତି ପରିବାର ଲୋକ । ଯୁବତୀଙ୍କୁ ତଦନ୍ତ ପରିସରକୁ ନେଇ ଜେରା କରିବାକୁ ଦାବି ହୋଇଛି ।