ଅଯୋଧ୍ୟା ରାମ ମନ୍ଦିର ରାୟର ୧୦ ବଡ଼ ପଏଣ୍ଟ… ଭାଗବଣ୍ଟା ହେବନି ବିବାଦୀୟ ସ୍ଥାନ, ଓ୍ୱାକଫ ବୋର୍ଡକୁ ଅନ୍ୟତ୍ର ମିଳିବ ୫ ଏକର ଜମି

ନୂଆଦିଲ୍ଲୀ : ଦୀର୍ଘ ବର୍ଷ ଧରି ଲାଗିରହିଥିବା ଅଯୋଧ୍ୟା ବିବାଦର ସମାଧାନ ହୋଇଛି । ଅଯୋଧ୍ୟାରେ ରାମମନ୍ଦିର ନିର୍ମାଣ ପ୍ରସଙ୍ଗରେ ସୁପ୍ରିମକୋର୍ଟ ଦେଇଛନ୍ତି ଐତିହାସିକ ରାୟ । ସୁନ୍ନି ଓ୍ବାକଫ୍ ବୋର୍ଡର ଆବେଦନକୁ ଖାରଜ୍ କରି କୋର୍ଟ ରାମ ଲାଲାଙ୍କ ପକ୍ଷକୁ ଗ୍ରହଣ କରିଛନ୍ତି । ଅଯୋଧ୍ୟାର ବିବାଦୀୟ ୨.୭୭ ଏକର ଜମିରେ ରାମ ମନ୍ଦିର ନିର୍ମାଣ ହେବ ବୋଲି କୋର୍ଟ ତାଙ୍କ ରାୟରେ କହିଛନ୍ତି । ଏହାସହ ମସଜିଦ୍ ନିର୍ମାଣ ପାଇଁ ଅନ୍ୟତ୍ର ୫ ଏକର ଜମି ଯୋଗାଇଦେବାକୁ କେନ୍ଦ୍ର ସରକାରଙ୍କୁ ନିର୍ଦ୍ଦେଶ ଦେଇଛନ୍ତି ସୁପ୍ରିମକୋର୍ଟ । ଏହାସହ ମନ୍ଦିର ନିର୍ମାଣ ପାଇଁ ଏକ ବୋର୍ଡ ଅଫ୍ ଟ୍ରଷ୍ଟ ଗଠନ କରିବାକୁ କୋର୍ଟ କେନ୍ଦ୍ର ସରକାରଙ୍କୁ ନିର୍ଦ୍ଦେଶ ଦେଇଛନ୍ତି । ଏହା ୩ ମାସ ମଧ୍ୟରେ ଗଠନ କରିବାକୁ ନିର୍ଦ୍ଦେଶ ରହିଛି । ପ୍ରଧାନବିଚାରପତିଙ୍କ ଅଧ୍ୟକ୍ଷତାରେ ଗଠିତ ସୁପ୍ରିମକୋର୍ଟଙ୍କ ୫ ଜଣିଆ ଖଣ୍ଡପୀଠ ଆଜି ଏହି ରାୟ ଶୁଣାଇଛନ୍ତି ।

https://nandighoshatv.coma-suitable-alternative-plot-of-land-measuring-5-acres-at-ayodhya-will-be-given-to-sunni-waqf-board/

ସୁପ୍ରିମକୋର୍ଟଙ୍କ ରାୟର ପ୍ରମୁଖ ୧୦ଟି ପଏଣ୍ଟ 

୧. ନିର୍ମୋହି ଆଖଡ଼ାର ଆବେଦନ ଖାରଜ୍, କୋର୍ଟ କହିଲେ ନିର୍ମୋହି ଆଖଡ଼ା ସେବାୟତ ନୁହନ୍ତି ଏହା କେବଳ ଏକ ପରିଚାଳକ । 

୨. ରାମଙ୍କ ଜନ୍ମଭୂମିର ପ୍ରମାଣ ସିଦ୍ଧ କଲେ କୋର୍ଟ, ପ୍ରତ୍ନତତ୍ୱ ବିଭାଗ ରିପୋର୍ଟ ଆଧାରରେ ବ୍ରିଟିସ୍ ଆସିବା ପୂର୍ବରୁ ରାମ ଚୌତରା ଓ ସୀତା ରଷୋଇର ପ୍ରମାଣ ଥିବା କୋର୍ଟଙ୍କ ମତ । 

୩. ଅଯୋଧ୍ୟାର ଗମ୍ବୁଜ ତଳେ ରହିଛି ରାମ ମନ୍ଦିର ।  ଏଠାରେ ଦ୍ୱାଦଶ ଶତାଦ୍ଦୀରେ ମନ୍ଦିର ଥିବା ନେଇ ମିଳିଛି ପ୍ରମାଣ । 

୪. ମନ୍ଦିର ଭଙ୍ଗା ହୋଇ ମସଜିଦ୍ କରାଯାଇଥିବା ନେଇ କେଉଁଠାରେ ମଧ୍ୟ ପ୍ରମାଣ ନାହିଁ ବୋଲି କହିଲେ କୋର୍ଟ ।  

୫. ୨୦୧୦ ଉତ୍ତର ପ୍ରଦେଶର ଆହ୍ଲାବାଦ୍ ହାଇକୋର୍ଟଙ୍କ ରାୟକୁ ଭୁଲ୍ ଦର୍ଶାଇଲେ ସୁପ୍ରିମକୋର୍ଟ । ଆହ୍ଲାବାଦ୍ ହାଇକୋର୍ଟ ବିବାଦୀୟ ଜମିକୁ ୩ ଭାଗରେ ବିଭକ୍ତ କରିବାକୁ ରାୟ ଦେଇଥିଲେ ।   

୬. ଇଂରେଜ ଆସିବା ପର୍ଯ୍ୟନ୍ତ ବିବାଦୀୟ ଜମିରେ ନମାଜ ପାଠ ହେଉଥିବାର ପ୍ରମାଣ ନାହିଁ । ସେତେବେଳେ ହିନ୍ଦୁମାନଙ୍କ ଦ୍ୱାରା ଗର୍ଭଗୃହରେ ପୂଜା କରାଯାଉଥିବାର ପ୍ରମାଣ ରହିଛି । 

୭. ଅଯୋଧ୍ୟାରେ ବିବାଦୀୟ ସ୍ଥାନର ଭାଗବଣ୍ଟା ହେବ ନାହିଁ, ମସଜିଦ୍ ନିର୍ମାଣ ପାଇଁ ଅଯୋଧ୍ୟାରେ ବିକଳ୍ପ ସ୍ଥାନ ଦେବାକୁ କେନ୍ଦ୍ର ସରକାରଙ୍କୁ କୋର୍ଟଙ୍କ ନିର୍ଦ୍ଦେଶ ।

୮. ତିନି ମାସ ମଧ୍ୟରେ ସୁନ୍ନି ଓ୍ବାକଫ୍ ବୋର୍ଡକୁ ୫ ଏକର ଜମି ପ୍ରଦାନ କରିବାକୁ ନିର୍ଦ୍ଦେଶ ଦେଲେ ସୁପ୍ରିମକୋର୍ଟ ।    

୯. ବିବାଦୀୟ ସ୍ଥଳରେ ମନ୍ଦିର ନିର୍ମାଣକୁ କୋର୍ଟଙ୍କ ସବୁଜ ସଙ୍କେତ । ମନ୍ଦିର ନିର୍ମାଣ ପାଇଁ ୩ ମାସ ମଧ୍ୟରେ ଏକ ଟ୍ରଷ୍ଟ ବୋର୍ଡ ଗଠନ କରିବାକୁ  କୋର୍ଟଙ୍କ ନିର୍ଦ୍ଦେଶ । ସବୁ ଜମି ଟ୍ରଷ୍ଟ ବୋର୍ଡକୁ ହସ୍ତାନ୍ତର କରାଯିବ ।    

୧୦. ଅଲ୍ ଇଣ୍ଡିଆ ମୁସଲିମ୍ ପର୍ସନାଲ୍ ଲ ବୋର୍ଡ ( AIMPLB ) କୋର୍ଟଙ୍କ ରାୟକୁ ସ୍ୱାଗତ କରିଥିଲେ ବି କିଛି ଅଂଶକୁ ନେଇ ଜାହିର କଲେ ଅସନ୍ତୋଷ । ରାୟ ସଂପୂର୍ଣ୍ଣ ପଢ଼ିବା ପରେ ନେବେ ପରବର୍ତ୍ତୀ ନିଷ୍ପତ୍ତି ।   ')}