କଲେଜରେ ସୀମା ଟପୁଛନ୍ତି ସିନିୟର, ରାଗିଂ ଯୋଗୁଁ ଆତ୍ମହତ୍ୟା କଲେ ଘରୋଇ ନର୍ସିଂ ହୋମର ଛାତ୍ରୀ

ବାଲେଶ୍ୱର: ଥମୁନି ରାଗିଂ । କଲେଜରେ ସୀମା ଟପୁଛନ୍ତି ସିନିୟର । ବିଜେବି କଲେଜ ଛାତ୍ରୀଙ୍କ ଆତ୍ମହତ୍ୟା ପରେ ଆଖି ବୁଜିଛନ୍ତି ବାଲେଶ୍ୱରର ଆଉ ଜଣେ ଛାତ୍ରୀ । କଲେଜରେ ରାଗିଂ ଯୋଗୁ ବାଲେଶ୍ୱର ସୋର ଥାନା ଅଞ୍ଚଳର ଗଙ୍ଗାଧର ବେହେରାଙ୍କ ଝିଅ ଆତ୍ମହତ୍ୟା କରିଥିବା ଅଭିଯୋଗ ହୋଇଛି । ଏକ ଘରୋଇ ନର୍ସିଂ ହୋମରେ ଦ୍ୱିତୀୟ ବର୍ଷ ଛାତ୍ରୀ ଥିଲେ ଲିପ୍ସା । ଗତ ତିନି ତାରିଖରେ ହଷ୍ଟେଲ ରୁମରେ ଫ୍ୟାନରେ ଆଫ୍ରନ ଲଗାଇ ଆତ୍ମହତ୍ୟା କରିଥିଲେ । ଗୁରୁତର ଅବସ୍ଥାରେ ତାଙ୍କୁ ଭୁବନେଶ୍ୱରର ଏକ ଘରୋଇ ହସ୍ପିଟାଲକୁ ସ୍ଥାନାନ୍ତର କରାଯାଇଥିଲା । ୫ ତାରିଖରେ ପରିବାର ଲୋକେ ଏ ନେଇ ଥାନାରେ ଅଭିଯୋଗ କରିଥିଲେ ।

କଲେଜରେ ରାଗିଂ ଯୋଗୁ ଲିପ୍ସା ଆତ୍ମହତ୍ୟା କରିଥିବା ପରିବାର ଲୋକେ ଅଭିଯୋଗ କରିଥିବା ବେଳେ ତଦନ୍ତ କରି ନ୍ୟାୟ ପ୍ରଦାନ କରିବାକୁ ନିବେଦନ କରିଛନ୍ତି ପରିବାର ଲୋକେ । ଘଟଣା ଦିନ ସନ୍ଧ୍ୟା ୭ରେ ଲିପ୍ସା ପରିବାର ଲୋକଙ୍କ ସହ କଥା ହୋଇଥିଲେ । ହେଲେ ରାତି ୯ଟାରେ ସେ ଗୁରୁତର ଥିବା ପରିବାର ଲୋକଙ୍କୁ ଫୋନ ଯୋଗେ ସୂଚନା ଦିଆଯାଇଥିଲା । ସବୁ କିଛି ଠିକ୍ ଥିବା ସତ୍ତ୍ୱେ ଝିଅ କ’ଣ ପାଇଁ ଏଭଳି ନିଷ୍ପତ୍ତି ନେଲା ବୋଲି ପରିବାର ଲୋକେ ପ୍ରଶ୍ନ କରିଛନ୍ତି ।