ବୁଝୁନି ମନ, ମୃତ ପୁଅକୁ ବଞ୍ଚାଇବା ପାଇଁ ଚାଲିଛି ଝଡ଼ାଫୁଙ୍କା

ରେଢ଼ାଖୋଲ: ମୃତ ପୁଅକୁ ବଞ୍ଚାଇବା ପାଇଁ ଝଡ଼ାଫୁଙ୍କା । ଫୋନ୍ ଯୋଗେ ଝଡ଼ାଫୁଙ୍କା। ୨୨ ଘଣ୍ଟା ଧରି ପୁଅକୁ ମୃତ ଘୋଷଣା କଲେଣି ଡାକ୍ତର । ତଥାପି ପରିବାର ଲୋକଙ୍କ ମନ ବୁଝୁନି। ଅନ୍ଧବିଶ୍ବାସରେ ଗୁଣିଆ କଥାରେ ପଡ଼ି ପୁଅ ବଞ୍ଚିଥିବା ଭାବି ପରିବାର ଲୋକ ସଂସ୍କାର କରୁନାହାନ୍ତି। ବାଧ୍ୟହୋଇ ଶେଷରେ ମୃତଦେହକୁ ପୁଣି ମେଡିକାଲକୁ ନେଇଛି ପୋଲିସ। ସମ୍ବଲପୁର ଜିଲ୍ଲା ରେଢ଼ାଖୋଲରେ ଏଭଳି ଦୃଶ୍ୟ ଦେଖିବାକୁ ମିଳିଛି।

ରେଢ଼ାଖୋଲ ୪ ନମ୍ବର ୱାର୍ଡ ନୂଆସାହି ବାହାଦୁର କହଁରଙ୍କ ପୁଅ ବୀରେନଙ୍କର ବାରମ୍ବାର ଦେହ ଖରାପ ହେଉଥିଲା। ମେଡିକାଲ ନେଲା ପରେ ମଧ୍ୟ ଦେହ ଭଲ ନହେବାରୁ ଗୁଣିଆ ଡାକି ଝଡ଼ାଫୁଙ୍କା କରିଥିଲେ। ବୀରେନଙ୍କର ମୃତ୍ୟୁ ହୋଇଥିବା ଡାକ୍ତର କହିଥିଲେ। କିନ୍ତୁ ବୀରେନକୁ କିଏ ଗୁଣି କରି ମାରିବାକୁ ବସିଛି ବୋଲି ଗୁଣିଆ କହିବାରୁ ପରିବାର ସମେତ ଗାଁରେ ଉତ୍ତେଜନା ଦେଖା ଦେଇଛି। ପଡ଼ୋଶୀ ଘର ଗୁଣି କରିଥିବା ସନ୍ଦେହ କରି ପୋଲିସରେ କରାଯାଇଛି ଅଭିଯୋଗ। ପୋଲିସ ତଦନ୍ତ କରୁଥିବାବେଳେ ଉତ୍ତେଜନା ଜାରି ରହିଛି।