ଚନ୍ଦ୍ରମାରେ ଦେଖାଦେଲା ଅଜ୍ଞାତ ଉଡନ୍ତା ବସ୍ତୁ, ବୈଜ୍ଞାନିକ ଚକିତ

ମନୁଷ୍ୟର ଚନ୍ଦ୍ରରେ ପହଞ୍ଚିବା କଥା ତ ଖୁବ ପୁରୁଣା ହୋଇସାରିଲାଣି । କିନ୍ତୁ ତା’ଠାରୁ ଅଧିକ ଗୁରୁତ୍ୱପୂର୍ଣ୍ଣ କଥା ହେଉଛି କଣ ଆଜି ମଧ୍ୟ ଚନ୍ଦ୍ରରେ ଏଲିଏନ୍ ଅଛନ୍ତି କି । ସମଗ୍ର ବିଶ୍ୱରେ ବୈଜ୍ଞାନିକମାନଙ୍କ ମଧ୍ୟରେ ଏହି ବିଷୟରେ ଅନେକ ପ୍ରକାର ଥିଓରୀ  ଅଛି । କିନ୍ତୁ ଟ୍ୱିଟରରେ ଏକ ଭିଡିଓ ଭାଇରାଲ ହେବା ପରେ ଯାହା ଜଣାପଡୁଛି ଯେ ଚନ୍ଦ୍ରରେ ଏଲିୟନ୍ସ ମାନଙ୍କ ଘର ରହିଛି ।

ଏହି ଭିଡିଓକି ଟ୍ୱିଟ କରିଛନ୍ତି ଫିଜିକ୍ସ ଆଷ୍ଟ୍ରୋନୋମି ନାମକ ଟ୍ୱିଟର ହ୍ୟାଣ୍ଡେଲ । ସେଥିରେ କୁହାଯାଇଛି ଯେ, ଚନ୍ଦ୍ରର ଏହି ୫୯ ସେକେଣ୍ଡ ଭିଡିଓକୁ କ୍ୟୁବେକ ସହରର ଜଣେ Amateur science photographer ପ୍ରସ୍ତୁତ କରିଛନ୍ତି । ଏଯାବତ ଏହାକୁ ୪୫୦୦ରୁ ଅଧିକ ଲୋକ ଦେଖିସାରିଛନ୍ତି । ଏଥରେ  ଚନ୍ଦ୍ରର ଉତ୍ତର ପୂର୍ବ ଅଂଶରେ ଦୁଇଟି ଅଜଣା ଜିନିଷ ଯାଉଥିବାର  ଦେଖିବାକୁ ମିଳୁଛି ।

? ( amateur footage, Quebec 26/03/20 ) pic.twitter.com/Fi5Aoyxo1Z

— Physics-astronomy (@Physicsastronmy) August 3, 2020

ଯେତେବେଳେ ତାହା ଆଲୋକରୁ ଅନ୍ଧାର ଆଡ଼କୁ ଗତି କରୁଥିଲା ସେତେବେଳେ ତାର ଛାଇ ପଡ଼ୁଥିବା ଦେଖିବାକୁ ମିଳିଥିଲା । ଅନ୍ୟଟିର ଛାଇ ପଡ଼ିନଥିଲା । ଏହା ପରେ, ଉଭୟ ଉଡ଼ୁଥିବା ଜିନିଷର ଛାୟା ଚନ୍ଦ୍ର ପୃଷ୍ଠର ଆଲୋକିତ ଅଂଶରେ ଦେଖାଯିବା ଆରମ୍ଭ କରିଥିଲା । ତା’ପରେ ଯେତେବେଳେ ଏହି ଦୁଇଟି ଅଜ୍ଞାତ ବସ୍ତୁ ଅନ୍ଧକାର ଆଡକୁ ଆସେ, ସେତେବେଳେ ସେଗୁଡ଼ିକ ଉଜ୍ଜ୍ୱଳ ଧଳା ରଙ୍ଗର ଦେଖାଯାଉଥିଲା ।

କେବଳ ଏତିକି ନୁହେଁ, ଭିଡିଓରେ ଏହିପରି ତିନୋଟି ଉଡ଼ନ୍ତା ବସ୍ତୁ ସେମାନଙ୍କ ପଛରୁ ଆସୁଥିବା ଦେଖାଯାଉଛି ।  କିଛି ସମୟ ପରେ ଏହା ଅନ୍ଧାରରେ ଅଦୃଶ୍ୟ ହୋଇଯାଇଥିଲା ।