ନନ୍ଦିଘୋଷ ବ୍ୟୁରୋ : ପାକିସ୍ତାନ ଆତଙ୍କୀ ସଂଗଠନ ଜୈସ ଏ ମହମ୍ମଦକୁ ଝଟକା । ମସୁଦ ଅଜହରର ବଡ଼ ଭାଇ ମହମ୍ମଦ ତାହିର ଅନୱର ମୃତ । ୨ ଦଶନ୍ଧି ଧରି ଜୈସ ର ସେନା ମୁଖ୍ୟଭାର ସମ୍ଭାଳୁଥିଲା ଅନୱର । ତେବେ କେଉଁ ପରିସ୍ଥିତିରେ ତାର ମୃତ୍ୟୁ ହୋଇଛି ସେନେଇ ସ୍ପଷ୍ଟ କରାଯାଇ ନାହିଁ । ତାହିର ଅନୱର ଜୈସ ଏ ମହମ୍ମଦର ପ୍ରମୁଖ ଭୂମିକା ନିର୍ବାହ କରୁଥିଲା । ଦୀର୍ଘ ଦିନ ଧରି ସଂଗଠନ ସହ ରହିଥିଲା ତାହିର । ତେବେ ୬୨ ବର୍ଷ ବୟସରେ ତାର ମୃତ୍ୟୁ ହୋଇଥିବା ସୂଚନା ମିଳିଛି । ତାହିର ଜନାଜା ସୋମବାର ରାତିରେ ଉଠିଥିବା ଜଣାପଡ଼ିଛି । ଏହାପରେ ବହାବଲପୁର ସ୍ଥିତ ଜାମିଆ ମସଜିଦ ଉସମାନ ଅଲ୍ଲୀରେ ନମାଜ ଏ ଜନାଜା କରାଯିବ । ଏହି ଜନାଜାରେ ବହୁ ସଂଖ୍ୟାରେ ଲୋକ ସାମିଲ ହେବେ । ଜୈସ ଏ ମହମ୍ମଦ ଓ ମସୁଜ ଆଜହର ଭାରତେର ଅନେକ ଆତଙ୍କୀ ହମଲା କରିଛି । ତେବେ କେଉଁ ପରିସ୍ଥିତିରେ ତାହିରର ମୃତ୍ୟୁ ହୋଇଛି ତାହ ସଂଗଠନ ପକ୍ଷରୁ ସ୍ପଷ୍ଟ କରାଯାଇ ନାହିଁ ।
