ବିଜୁ ବାବୁଙ୍କୁ ଇଣ୍ଡୋନେସିଆର ସମ୍ମାନ, ନୂଆଦିଲ୍ଲୀରେ ଭୂମିପୁତ୍ରଙ୍କ ନାମରେ କକ୍ଷ

ନୂଆଦିଲ୍ଲୀ: ଭୂମିପୁତ୍ର ବିଜୁ ପଟ୍ଟନାୟକଙ୍କୁ ଇଣ୍ଡୋନେସିଆର ସମ୍ମାନ । ଇଣ୍ଡୋନେସିଆର ସ୍ବାଧୀନତା ସଂଗ୍ରାମରେ ରହିଥିବା ବିଜୁବାବୁଙ୍କ ଅବଦାନକୁ ପୁଣି ମନେପକାଇଛି ଦେଶ । ପାଇଲଟ ଚଳାଇ ପ୍ରଧାନମନ୍ତ୍ରୀଙ୍କୁ ଉଦ୍ଧାର କରିବା ହେଉ, କିମ୍ବା ଅର୍ଥନିତୀ ସଂକଟ ସମୟରେ ଦେଶକୁ ଉଦ୍ଧାର କରିବା । ବିଦେଶ ମାଟିରେ ବିଜୁ ବାବୁଙ୍କ ନେତୃତ୍ୱ ଏବଂ ନିଷ୍ଠା ଆଜି ମଧ୍ୟ ଉଜ୍ଜିବୀତ । ଯାହାକୁ ନୂଆଦିଲ୍ଲୀରେ ପୁଣି ଥରେ ସ୍ମରଣ କରିଛି ଇଣ୍ଡୋନେସିଆ ।

ନୂଆଦିଲ୍ଲୀ ଦୂତାବାସର ଏକ କକ୍ଷକୁ ବିଜୁବାବୁଙ୍କ ନାମରେ ନାମିତ କରାଯାଇଛି । ଏହି କକ୍ଷରେ ରହିବ ବିଜୁବାବୁଙ୍କ ଫଟୋ ଓ ତାଙ୍କ ସମ୍ପର୍କିତ ତଥ୍ୟ । ଇଣ୍ଡୋନେସିଆର ସ୍ବାଧୀନତା ସଂଗ୍ରାମରେ ବିଜୁବାବୁଙ୍କ ଅବଦାନକୁ ସମ୍ମାନ ଦିଆଯାଇଛି । ବିଜୁବାବୁଙ୍କ ଦ୍ବିତୀୟ ଘର ଇଣ୍ଡୋନେସିଆ ଥିଲା ବୋଲି ଦୂତାବାସ ପକ୍ଷରୁ ସୋସିଆଲ ମିଡିଆରେ ସୂଚନା ଦିଆଯାଇଛି ।